嬌小女生買衫都有選擇！3間讓你看起來+10cm的網店推介

近年韓牌-5kg嘅牛仔褲大受歡迎，不過好多女生試過都表示，要本身有番咁上下瘦，著出來先會更顯瘦！但比起-5kg，身高只有160cm嘅小編更希望有+10cm嘅衣服，因為大概好多身型嬌小嘅女生都有遇過以下情況，逛時裝店時見到心儀款式，但試穿後總覺得衣服太大件、剪裁唔夠修身，件衫再好睇都要忍痛放下！

身型細粒嘅女仔買衫真係好唔容易，所以今次就介紹3間專為嬌小身材而設嘅時裝品牌，以後就唔好再話自己買衫無選擇啦！

PETITE STUDIO NYC

小編私心推介呢個品牌～因為顧名思義，品牌推出嘅所有服飾，從剪裁到設計，都專為petite size嘅身型而設，款式很緊貼歐美潮流，著上身長度又岩岩好，定價都很親民啊，小編都定期向呢個品牌進貢架！

TOPSHOP PETITE

很多人因為怕左歐美品牌嘅衫大大件而怕左光顧，其實TOPSHOP一直都有推出Petite副線，專售品牌一些regular款嘅petite版，絕對係一個嬌小女生尋找衣服嘅好地方。

ASOS

ASOS相信好多人都識，但網站提供過千個品牌供客人網購，想搵petite款都真係有難度！就等小編過兩招俾大家啦～TRUE DECADENCE、VERA MODA、NEW LOOK、WAVEN呢幾間都係網站中比較高人氣嘅petite品牌，而ASOS亦都有自家設計嘅petite副線，嬌小女生以後想網購就唔會無從入手啦！