advertisement
近日陳冠希（Edison）同余文樂Instagram隔空罵戰搞到滿城風雨，事緣日前余文樂時裝設計師好友Godfrey Kwan在Instagram上載一件牛仔褸新品，Edison就留言暗寸余文樂作品抄人。講咁耐，所有事情都由一件牛仔褸開始……咁都難怪嘅，今年牛仔褸大熱，唔怪得好多時裝品牌都有出品牛仔單品，至於有冇抄就真係見人見智喇～
牛仔褸呢種長興嘅潮流單品，今年寛鬆版型嘅牛仔褸大流行！無論係咩國家都見到唔少明星示範，唔好以為寛鬆版型嘅牛仔褸就代表粗獷，就算係女仔都一樣可以着出小性感嘅感覺，不如一齊睇下佢哋點襯啦！
哈韓嘅朋友唔知有冇追開近排熱爆嘅新劇《河伯的新娘》呢？除咗睇南柱赫，女主角申世景嘅服裝配搭又係一個亮點，當中當然不乏牛仔褸嘅出場啦，捲起衣袖露出手腕突別顯瘦。
朴信惠日前喺首爾漢南洞出席某品牌嘅時尚活動，又見到牛仔褸嘅登場！皮質A字裙搭配中長款牛仔外套，半露香肩，型格之中小露性感～
台灣藝人愷樂（蝴蝶姐姐）近日都喺IG分享新的牛仔外套穿搭，網民重點在都放咗喺佢性感嘅香肩上，十分火辣！
另一位近日着上牛仔褸出席公開場合嘅就係蔡依林！早前現身機場，就以牛仔褸配以內衣外穿嘅着法，唔知今年會唔會流行呢種着法呢？
今年除咗流行用牛仔褸帶出小性感，唔少男星都鍾意用牛仔褸作配搭，型格十足！
金宇彬
「小丑」傑瑞德雷托
圖片來源：Instagram、Pinterest、Picartan、herworldPLUS、劇照
