呢條裙究竟有咩吸引力，令一個月內6位女星爭住著？

時下女星最忌撞樣，其次就係撞衫！不過呢條粉紅色連身裙，一班女名人唔怕撞之餘，仲爭住著！先有潮媽洗米嫂，係接受雜誌訪問時率先穿上，之後就接二連三有闊太朱潔儀和美魔女羅霖跟風！

除左係名媛圈廣受歡迎，日韓女星都大愛！前少時成員Jessica係大馬出席頒獎禮時，就正是揀左呢條粉紅色裙啦，不過翻查紀錄，原來舊隊友秀英，一個月前拍攝雜誌時，已經一早著過啦！而最新嘅捧場客，就有剛離隊AKB48單飛嘅小嶋陽菜，係粉絲見面會上穿上。嘩！一個月內就有6個女星著，你話係咪厲害！

講左咁耐，咁究竟呢條裙有咩吸引力呢？皆因SELF-PORTRAIT呢個英國牌子出品嘅裙款性價比高，唔少名人好似係超蓮、徐子淇、Blake Lively、皇妃Kate Middleton都係忠實粉絲，加上品牌嘅縷空設計夠晒signature，今季又好興粉紅色，學名媛們以珠寶配襯可以著出高貴大方嘅感覺；日韓女星嘅造型就穿出青春可愛嘅氣息！咁容易carry，點襯都零失手，唔怪得個個都爭住著啦！

除左SELF-PORTRAIT，以下兩個品牌都係索價不高，而且極受中外明星們推崇，快D睇下今季有無野岩先～

WHISTLES

REBECCA MINKOFF