advertisement
最近劉德華喺周杰倫香港站演唱會上驚喜現身，合唱一首「忘情水」，台下歡呼聲不斷，有邊個估到當年劉德華曾拒絕周杰倫寫歌，仲因此而「結怨」？
當周杰倫仲係一個小小嘅音樂助理時，佢寫咗一首歌《眼淚知道》，吳宗憲將呢首歌寄俾劉德華，點知劉德華諗都冇諗就拒絕咗，其後歌曲先轉手俾溫嵐，大紫大紅。自此之後，就不時傳出二人不和嘅傳聞，例如劉德華找再搵周杰倫寫歌，周杰倫獅子大開口，開出一首歌一億新台幣等等。但就有報導指出劉德華當時拒絕呢首歌曲只因曲風唔夾，並不如傳媒所講「咁大仇口」～而且當年周杰倫寫嘅曲風新穎，寄出嘅歌曲被退貨「已成習慣」，所以好大機會只係傳媒嘅炒作！
過咗咁多年，二人再喺台上合唱，雖然唔知當年傳聞係真係假，但睇返二人依家同當年嘅對比，真係變咗好多呀！穿著風格都唔同咗，大家又鍾意邊個時候嘅佢哋多啲呢？
圖片來源：網上圖片
