黎明演唱會全場爆滿！精選4大重點︰Leon 再爆金句「整吓整吓我就上咗嚟上面」、歌迷手燈釀流血爆缸意外送院？

黎明相隔兩年再踏紅館，一連10場《Leon黎明紅館演唱會2023》已經開鑼，眾多粉絲到場支持，更吸引了甘比與老公大劉睇騷，期間黎明雖話不多，卻再次爆出金句。不過，前晚場館內卻發生樂極生悲的流血事件，事件更驚動警方，並要送院治理！

黎明演唱會精選事件1：眾名人到場支持

黎明演唱會精選事件2：坐住唱快歌

一連十場的演唱會場內，有70支雷射燈打造巨型雷射天幕，營造獨特視覺效果。期間，黎明唱快歌時，只見前面的舞蹈員落力跳舞，但黎明卻淡定坐着獻唱，反而是台下的胡楓和觀眾興奮起舞。而甘比更指：「真係只有Leon可以坐喺度唱快歌，但大家仍然high high high。」除了甘比跟胡楓，寰亞老闆林建岳、邱子傑與太太、DJ Vani、急急子及梁泰來等也有到場支持。

黎明演唱會精選事件3：黎明又爆新金句

作為金句王的黎明，演唱會說話不多，但仍不負眾望拋新金句，他跟觀眾說：「大家好，我哋又喺香港見面，其實一直冇走過。今次舞台改動過好多次，因為要符合規格，整吓整吓我就上咗嚟上面。但大家工餘時間都會成日耷低頭睇手機，而家可以昂高頭向上望吓，今晚返去會瞓得好好。」表示想借此機會令觀眾不要做低頭族。而歌迷與黎明見面時準備了鮮花，黎明呼籲：「大家不要送禮，捐款到公益金好了」。

黎明演唱會精選事件4：歌迷不幸發生意外事件

不過，前晚第二場演唱會的快歌環節中，當Leon唱到《聽身體唱歌》時，有歌迷太忘我而釀成流血事件。有目擊者表示，當時附近有一男一女口角，原來是一名女粉絲舉手燈時，不慎擊中前面男觀眾的頭部。該目擊者說：「我本身聽到男人擰轉頭大大聲鬧個女人『死八婆』，打算睇下有咩調停，點知行到上前，個男人話個女人扑親佢，見到個男人用張紙巾撳住頭，一拎開，成張紙巾都係血！」