「離婚界KOL」張致恒再有新工作賣性玩具？有人力撐亦有人質疑1件事！

被外界封為「離婚界KOL」的張致恒（Steven），育有4名兒子、1隻狗，一家7口，生活拮据，經常被老婆雯雯網上公審老公不努力賺錢養家，更不時會呻窮嗌離婚。過往張致恒曾派傳單、小食店員，可是「冇份工做得長」，但自2個月前張致恒再當爸爸，表示洗心革面會努力搵錢；昨日他公布有新工作，估不到他竟到情趣用品商店工作，旋即掀起熱烈討論，被網民大叫「加油」，不過竟有另一含意；也有人笑指「佢賣CONDOM冇公信力WOR」，反應似是一面倒！

昨日（6日）張致恒在IG分享新工作的地點，寫道：「實不相瞞，其實我係呢一間情趣用品店嘅員工，已經返咗少少時間，所以如果大家喺旺角見到我行樓梯上去一間情趣用品店唔使擔心，我係去返工啫...」相中他在地上，除了手上拿着的「男仕用情趣用品」外，背後更有一整排的商品。

網民留言鼓勵 叫「唔好比人睇死！」

消息一出，張致恒的IG被一眾「粉絲」湧入，留言「加油」，不少人為他打氣，鼓勵他「加油呀！唔好比人睇死！」不過卻有人的留言，反成另一層意思：「準備第五胎，加油」，張致恒亦隨即回應，重提自己已結紥；也有人疑指他有性玩具經驗，「你簡直係專家！」

賣性玩具被指欠公信力？

除了個人IG掀起熱議，另在連登討論區掀起了7頁討論，足見這位「離婚界KOL」極具話題性呢！有網民留言：「想鞭死雯雯咩？」

另外有人笑指：「佢賣CONDOM冇公信力WOR」，不過則回應：「都有嘅，佢咪可以同啲客講：『你唔用condom的話，下場就會好似我咁』」，指他是反面教材，有說服力咁話，「我一家六口，仲有養狗，負擔好大。唔戴套呢個就係你既（嘅）未來」，也有人多謝張生提供笑話，似是說出了不少人的心聲。儘管如何，相信大家都希望張致恒努力工作賺錢養家，最基本要為4名兒子負上父親應有的責任。