陳輝陽爆女歌手4大無禮行為：一見面爆粗、亂作歌詞！網民推斷2位凍齡女星嫌疑最大？

曾創作《K歌之王》、《暗湧》、《終身美麗》等歌曲的殿堂級音樂人陳輝陽，近日現身24味的訪問節目《24/7TALK》，滔滔不絕分享自己在行內的趣事，談到有位女歌手極不尊重人、超冇禮貌，令他永遠不想再合作！此番言論一出，引來了不少網民猜測到底所說之人是誰。

陳輝陽爆女歌手無禮行為1：一見面爆粗 

陳輝陽不開名大爆某女歌手的惡劣行徑，首先他合作前已知對方「唔唱得」，他指：「唱片公司開頭叫我幫佢Produce歌嘅時候，我話都ok嘅，對方話佢唔係好唱得㗎咋喎，我話我知㗎喇，我盡能力啦。」怎料，當天從頭到尾整個合作經驗都令陳輝陽非常難忘，包括一見面即爆粗：「佢一入嚟錄音室第一句說話『X，喺香港度錄廣東歌都冇X用嘅，我去咗台灣呀，我就唔會再返嚟錄廣東歌』呢個係第一句說話。」

陳輝陽爆女歌手無禮行為2：亂作歌詞

之後，陳輝陽叫她先坐下，自己去準備，但是對方錄音時的行為將他嚇窒，因她竟然亂作歌詞：「佢又好得意，唔睇歌詞，佢鍾意作啲字落去，我話唔啱喎，意思都唔啱。有時錄到咁上下我會叫佢停下先，不如聽下你唱成點，佢話唔停，我要繼續唱，OK！」

陳輝陽爆女歌手無禮行為3：戙起雙腳吃飯

錄到中午，錄音室同事要吃飯，陳輝陽指該女歌手表示不吃，她要繼續唱，「我話咁唔緊要，我叫Engineer食飯、我幫你撳，撳到咁上下，Engineer食完飯，佢又話唉呀，我肚餓呀，食嘢先啦，幫佢叫嘢食。」

而她吃飯時的習慣更是讓陳輝陽大開眼界，豪邁到令人嘖嘖稱奇，他表示：「佢真係犀利，我好少喺香港見到女仔，唔好講係咪Singer先，我好少見到香港女仔戙起隻腳食飯。呢個真係好神奇！」

陳輝陽爆女歌手無禮行為4：活動碰面扮不認識

最終，陳輝陽表示這次合作經驗不成功，主要是對方拒看歌詞，又唱極都不對，即使之後二人在其他活動碰面，這位女歌手依然貫徹冇禮貌作風，扮不認識陳輝陽，完全沒有打招呼。

網民從3大線索推斷2位嫌疑人 

節目的主持阿Phat提供了線索，指對方現時在內地「都幾紅」；加上這女歌手曾往台灣發展，唱功又一般，加起來已有3大線索。

網民聯想到某幾位嫌疑人，如楊千嬅、梁詠琪、薛凱琪、張栢芝。有網民指有可能是張柏芝，但是張柏芝與陳輝陽曾合作《Say U Love Me》（2000年）、《不相愛的好處》（2001年）兩首歌，似乎不符合「陳輝陽不願再合作」這一特徵。

也有網民估是楊千嬅，但隨即有人推翻：「佢世界女點會得罪幫佢對佢有用既人」。

亦有網民推斷可能是薛凱琪，因為薛凱琪曾於2007年到台灣發展，並發行華語專輯，Fiona也未有歌曲是由陳輝陽參與製作。雖然不少人都在給出可能的嫌疑人，但是，相信真正的涉事人只有陳輝陽知道了。