順豐速遞員遭投訴屋苑外除罩食飯 網民力撐：已經匿埋垃圾桶旁食都唔得？林盛斌撐：好冇同理心

本港第五波新冠疫情持續，各行各業都因防疫限制出現人手短缺，速遞公司順豐更宣布暫停內地收寄件服務及本港上門收派服務。昨日一名投訴事主在Facebook群內發言，指在小西灣富景花園的行人通道，見到一名順豐送貨員除口罩食飯，並聲稱已作向順豐投訴。惟帖文隨即引來網民狠批，藝人林盛斌亦關注此事，出文指「整件事好冇同理心」，送貨員於疫情下仍緊守崗位，市民應體諒他們的辛酸。

順豐職員屋苑外除罩食飯遭投訴 網民：返工唔使食飯？

投訴事主昨日於「小西灣富景花園居民聯絡組」Facebook專頁發帖，稱於富景花園第9座地下行人通道，見到一名順豐送貨員坐於通道旁邊一張長櫈，以手推車用作飯檯並除下口罩用膳。帖文認為送貨員於街頭進食影響衛生，有機會在食飯時傳染給其他人，並稱已向物業管理公司及保安公司投訴。

帖文引來大批網民批評，「順豐哥哥已經喺垃圾桶旁食飯，有冇諗過人哋感受？」、「返工唔使食飯？」、「不知民間疾苦」網民認為順豐哥哥已到一個較隱蔽的位置食飯，而且已盡量避開人群，實屬情有可原，市民應體諒他的辛勞。更指既然業主介意，順豐以後應停派富景花園的郵件。後來，投訴事主遭網民起底，發現他經常四遭投訴，網民指他「一定係太得閒」、「以為佢係屋院嘅救世主」。目前他已將faceboook改名。

不過，有居住在柴灣的網民就指，富景花園第9座地下行人通道是商場和屋苑的出口，人流不少，位置並不隱蔽，旁邊還有一間小店賣兩餸飯，批評順豐哥哥防疫意識低，是不負責任的行為。

順豐回應不作懲罰 藝人Bob發文撐順豐哥哥

事件成為網上熱話後，有網民收到消息，指順豐收到投訴後已對順豐哥哥作扣薪處理，但順豐最新回覆表示，公司已慰問員工，不會作任何處分。而藝人林盛斌阿Bob亦關注此事，發文指人應該學懂尊重人，整件事雖然不是錯，但就「好冇同理心」、「好唔善良」。

他說：「呢段日子，對速遞行業嘅影響非常之大，因為人手不足好多時一個人要做三個人嘅嘢，一日幾萬單確診嘅時候，佢哋仍然辛苦工作，其實我真係好尊重每一位做速遞員。你估如果佢有得舒舒服服坐喺餐廳入面食嘢，佢會唔會選擇坐喺個垃圾桶旁邊食呢個飯盒？人哋已經匿喺一個盡量唔影響其他人嘅地方，諗住嗱嗱聲扒埋嗰兩啖飯，就繼續送貨送件，然後你影咗佢張相放上網諗住公審再去投訴，其實唔可以話你唔啱，你係有你嘅道理嘅，只不過成件事，好冇同理心，好唔善良。」更稱如果順豐哥哥因此事而要受紀律處分甚至要炒魷魚，「我即刻安排一份工俾佢。」

其實順豐哥哥為了生計在疫情下繼續開工，現在只是在有限時間找個位置食飯而已，相信只是短短數十分鐘，無論該位置人流是否暢旺，我們都應該體恤他們的辛酸。