戲院重開！一文睇清邊間戲院睇戲最抵？

受疫情影響，早前政府宣布多類的娛樂場所需要暫停營業，幸好最近疫情有緩和跡象，所以今日起部分娛樂場將可重新營業，戲院是其中之一，戲迷終於可以在大銀幕睇戲了！多間院線為配合重開亦推出多項優惠吸客，一齊睇吓邊間戲院睇戲最抵啦！雖然可以重新入場睇戲，但市民入場時仍要遵守一定規則，包括只准一半人入座，場內不准飲食，以及一行最多連坐8人，等入場時也要保持社交距離。

嘉禾院線：套票優惠最著數

非會員優惠
由即日起至6月30日，購買1張成人戲票，即送$20優惠券1張，可於下次使用。另亦推出「MoviePack 2020」，$150包3張2D戲飛、1張爆谷餐6折優惠券、1份迷你爆谷。除開一張戲票只需$50 就可以又睇又食又拎，非常著數！

套票有效期直至11月30日，戲迷可於Klook或嘉禾院線購買，售完即止。

會員專享優惠
於網上購買2張或以上早上11時後場次的成人戲票 ，可獲成人戲票半價優惠。另外，於即日至5月21日，會員可用1000積分換取兩張2D戲票。

詳情：www.goldenharvest.com

影藝戲院：戲票一律$50

無論是成人、學生或小童，票價均一律$50，長者看12點前的早場票價$25，中午12點後的場次票價$50。優惠期即日開始直至另行通知。不過影藝戲院位居九龍城，看來新界和香港居民難以受惠。

詳情：https://cineart.cityline.com/chi/home

英皇戲院：貴賓影院the CORONET半價

由即日起至5月31日任何場次，包括貴賓影院the CORONET及IMAX的戲票，2D電影禮券一律半價，網上購票亦免收手續費。另外，所有餐飲小食半價，同時推出VIP會籍半價，$75即可入會，可享有全年戲票餐飲9折優惠等等。

這次英皇戲院的半價優惠包括貴賓影院the CORONET真是一大亮點，無論座位或畫面也比普通戲院優勝，位於iSQUARE的貴賓影院the CORONET更坐擁全香港最大 IMAX® with Laser 銀幕的IMAX®影院，帶來不一樣的震撼觀影體驗。戲迷一定要趁此機會去貴賓影院看一次電影！

詳情：https://www.emperorcinemas.com/zh/

百老匯院線：會員半價優惠

由即日起至2020年7月31日，bcinephile會員及MOViE MOViE會員都可以用半價優惠睇戲，每次最多買8張！留意優惠並不適用於VIP 院、發行商指定之個別電影及所有特備節目（包括電影節、特別放映等）、早場及星期二優惠場的半價優惠。

詳情：https://www.cinema.com.hk/

UA CINEMA：學生必買$200元5張戲票優惠

由即日起至5月10日，UA的會員可以用 $200 元購買4張戲票換領券及1張贈券，平均只需$40元一張戲票。此換領券及贈券的適用日期為5月15日至2021年12月31日，逢星期一至五下午1:30-5:30的指定場次，星期六、日及公眾假期及指定日子則不適用，看來優惠比較適合學生，一般上班族則難以受惠。

另外，由5月13日至7月22日期間，逢星期三會員專享全日票價低至 $70，優惠只適用於UA Cine MOKO、UA青衣城、UA 東薈城。

以上兩項優惠也是會員專享，如你不是 UA Loyalty Club 會員，可在5月10日前登記，即享8折年費優惠。

詳情：https://www.uacinemas.com.hk/chi/main

MCL戲院：長者早場全線$25

MCL長沙灣戲院中午12時前的早場，及晚上11時30分或之後午夜場票價一律$45；其他MCL戲院早場及午夜場票價一律$50。另外，60歲或以上的長者也有特別優惠，下午1時30分前的場次票價一律$25元；下午1時半至晚上11時半的電影票價一律$45，只適用於MCL長沙灣戲院；其他MCL院線則一律$50。另由即日起至5月21日，MCL戲院票房購買成人戲票可享買一送一優惠！

詳情：https://www.mclcinema.com/

新寶院線：屯門凱都戲院全日$40

由即日至5月20日，新寶戲院及總統戲院全日票價一律$60；凱都戲院全日$40。不過新寶戲院及總統戲院全港只有3間，包括旺角、銅鑼灣及屯門。

詳情：www.theatre.com.hk

以上各間院線推出的優惠相若，戲票價錢大約$40至$60一張，留意有些優惠只適用於會員，如果不是會員的話則未能受惠。另一亮點是英皇戲院的貴賓影院the CORONET及IMAX的戲票也有半價優惠，未入去享受過高質觀影體驗的戲迷不妨一看！