吳業坤因一貼圖成「泥鯭2.0」？網民讚坤哥無懼「鏡安法」 鏡粉反擊：根本冇人攻擊！

近日泥鯭因為在社交網站連接發文暗諷姜濤和鏡粉而引起RubberBand和MIRROR雙方粉絲的罵戰，留言數高達2000多則，雖然其後RubberBand在IG公開道歉，但事件仍未平息。一波未平一波又起，日前吳業坤的發文也因被指向MIRROR及鏡粉挑機而遭到抨擊！

泥鯭跪低仍遭抨擊

泥鯭日前連環發文表示：「多謝說話定係「鼓勵」說話？！WTX？！係咪short X咗？！修哥都講唔出啦」，「嘩，頒唔尷尬，攞唔尷尬，唯有睇嘅尷尬」，引起粉絲大戰，一眾鏡粉更到RubberBand的新歌《宇宙大王》留言洗版攻擊泥鯭，令RubberBand最後公開致歉，並表示：「浪費了公共媒體資源」。有人為RubberBand跪地道歉感到不值，認為人有言論自由，而鏡粉則為自己成功維護偶像而高興。這邊廂雙方罵戰仍未結束，另一邊廂戰火燃燒到吳業坤。

吳業坤貼文被指別有用心：原來同黃心穎係朋友

日前吳業坤在社交媒體胋出一張自動門照片，由於門上標誌神似MIRROR logo，而近期又發生泥鯭事件，在這個敏感的時間出文讓鏡粉覺得吳業坤別有用心，因此紛紛湧至該po洗版負評：「唔怪得你一路紅唔起，原來咁幼稚」、「抵你都係茄喱啡，同條泥鯭一樣」、「係咪入唔到ViuTV，老羞成怒呀？」、「以為搭路同193合作，交換下公司，咁高調可以過檔，點知ViuTV唔簽佢呀？」攻擊吳業坤眼紅別人博見報，更貼出坤哥與黃心穎的合照留言：「原來同黃心穎係朋友，明晒」，影射吳業坤發文撐黃心穎男友泥鯭，事件似乎漸成第二場罵戰，讓他慘成「泥鯭2.0」。

網民支持吳業坤：無懼鏡安法

不過吳業坤粉絲亦隨後反擊：「唔好妄想被害症啦，影度門就無限聯想？」、「結咗婚係大膽啲」、「其實大家敏感咗，睇嘢可唔可以輕鬆啲，坤哥從來無批評人」、「鬧坤哥全部係鏡粉」、「無懼鏡安法，你真勇！」等。不過也有鏡粉表示明明只有數則攻擊吳業坤的留言，不明白為什麼要誇大其詞，望兩邊粉絲都能理智發言。