劉馬車自爆與林芊妤Coffee是「長期炮友」！ 女方本人澄清︰係咪真係有人會信？Coffee教大家面對性騷擾要做1件事

網絡紅人劉馬車向來語出驚人，即使出獄後也不改大膽作風，繼早前稱曾與鄧月平交往引起網絡熱話後，日前又指自己曾與林芊妤Coffee是長期性伴侶，令一眾網民嘩然。想不到，此番言論令Coffee忍不住親自回應！

劉馬車指曾與鄧月平交往 

早前，劉馬車曾指自己與鄧月平有過一段情，女方雖有即時否認，但仍被不少網民認定二人有過一段故事，對此鄧月平又回應：「入行數載，也不是第一次食死貓」。

當被媒體問到有否交往過時，鄧月平激動指：「佢都黐線，我就嚟報警。」又解釋二人關係只是朋友的朋友，沒有被追求，雙方見面只有2次左右，並多謝劉馬車厚愛。

劉馬車再次發表出位言論

近日，劉馬車又表示自己與Coffee是性伴侶的關係，他在社交網站分享了與Coffee廣告紙板的合照，並寫道：「嚟緊馬車會同Coffee情侶檔合作，請大家多多支持！（其實馬車一直都同Coffee有發展地下情，而且馬車同Coffee係長期炮友，大家千祈唔好話俾Coffee老公知！）」

此番言論一出，引起一眾網民留言，雖不少網民都認為是劉馬車開玩笑，但Coffee本人竟出面澄清回應：「係咪真係有人會信？點解亂噏都可以咁多人有反應，睇嚟大家打風都好悶，不過睇完大家嘅留言我就安心啦，證明大家都係理性既」。

Coffee激動澄清事件 

之後，Coffee又上傳了Story，是劉馬車私信她的截圖，Coffee在Story上寫道：「其實係咪我之前無應佢，跟住佢就開始作故仔？成件事好匪夷所思，佢想博取我嘅留意係為乜嘢？關注度？咁我畀你啦。但我真係無興趣合作，啱啱放完假返嚟好忙。」

想不到，有網民回覆Coffee 的Story，指自己也曾被劉馬車騷擾，Coffee回應該網民︰「點解要驚佢？你愈驚佢愈會搵你麻煩。」她又鼓勵大家︰「如果遇到俾人Bully或騷擾嘅時候，如果只係驚同不停退縮，換來嘅只會係對方得逞同喜悅感，以及用更過分嘅方法去對付你。如果連保護同維護自己嘅膽量都冇，又點能夠保護自己身邊嘅人呢？」

網民回應Coffee一事

不少網民看畢此事，紛紛留言表示劉馬車多次發表出位言論，實屬大膽：「馬車周圍撩火頭怕唔怕俾人打」、「爆完鄧月平單嘢又周圍辣火頭，好似膠化件事咁，咩原因？」、「（Coffee）佢愈理馬車，馬車愈開心」、「呢啲癲佬唔理佢就最好，你愈俾關注俾佢佢愈開心」。