「偷食蛋糕」後再戰郊野！朱智賢霸氣回應小三指摘又delete

TVB藝人朱智賢於今年4月被爆出背着男友謝東閔，與有大肚妻子的黎振燁齊齊於郊野公園「偷食蛋糕」，令到形象瞬間插水，更慘被TVB雪藏。朱智賢深明「邊度跌低邊度爬番起身」的道理，最近再戰郊野！朱智賢近日密謀做「行山KOL」，於 YouTube 開 Vlog 拍行山片。她以《朱遊記》之名拍攝行山片。

日前她上載一段長12分鐘的行山影片上YouTube，只見她素顏及運動服上陣，邊行邊講行山樂趣。今次她行的屯門青山路段風景優美，但路途亦有崎嶇之處。

她更借行山比喻人生：「每次行山見到啲路好崎嶇其實都會驚㗎，但係我成日覺得行山同人生好似，你見到條路好難行，但係當你行過咗之後就會覺得好神奇，又過咗關。所以啲人就話，關關難過關關過，係講得好啱。你專注係眼前步伐，逐步逐步咁嚟，咁之後就會過咗個難關，呢個係我嘅一啲體會啦。」好明顯意有所指。

朱智賢落山時她更大呼「好鍾意好鍾意」及「好刺激」，大力推薦網民要到此一遊。

她的行山片的確好啱現時郊遊的潮流，但似乎大家未識欣賞，推出一日只有幾百人收看。更有網民惡意「挑機」，問她：「點解做人小三呀」，誰知她竟然霸氣親回「點解要留言呀，明明自己乜都唔知。」她的留言激氣眾多網民刺激她再現真身，不過她已心知不妙，昨日更把留言刪除。

朱智賢今次開 Vlog 試水溫似乎不成功，收看的人已不算多，更主動回應惹火留言引來網民瘋狂惡意留言。未知她有否被嚇怕，還是很快又會再次登山上路呢？