Winka 6年情玩完遭網民指消費前任sell新歌？ 本人回應：分享變消費難以接受

女團COLLAR成員陳泳伽（Winka）近日單飛出新歌，同時自爆已跟拍拖6年的圈外男友分手，不過二人仍然是朋友，此言一出，引起了網絡軒然大波，更有網民私訊Winka加以批評她消費前男友，惹得Winka 親自回覆！

Winka分開二人已分手

Winka表示雖與男友已分手，但對方仍出任歌迷會會長一職，而分手原因是彼此步伐有偏差。

對此，有網民激動私訊批評她：「唔知你公開share呢一個貼文出嚟俾全部人知道你同會長嘅故事係為咗啲咩，相信今日好多人都睇咗你嘅訪問，無論本身係你嘅fans定其他路人，咁都知道咗會長係你個ex。你哋都話晒一齊咗咁多年啦，你都應該feel到佢有幾唔捨得，甚至乎仲好在乎你、好愛你。點解你可以咁殘忍仲喺度消費佢，消費你哋之間嘅愛情故事？你有好多情緒、好多說話、好多嘢想同全部人分享，但好似唔係咁樣去利用人，令你嘅故事更加豐富。」

Winka回應網民留言

Winka親自回覆：「經常覺得解釋係一件感覺好笨拙嘅事，但就係想講一講，因為關乎到一個人嘅人格層面，而介意嘅我，唔想裝作不介意！本身係自己嘅故事，但分享就變成消費！被形容到只有消費，實在有啲難以接受。」

在 Instagram 查看這則貼文

Winka表示感情並非簡單就可以完全被解釋，一段感情結束跟處理，亦無一個最佳答案。

眼看網絡上批評Winka的言論愈演愈烈，Winka前男友安慰她：「總之你記得啲網上留言只係耳邊風，佢哋有自己嘅見解，你只要記得你嘅觀眾對象或者你說話嘅對象係邊個就得！！你唔需要全世界都明白你！！」

網民激動發長文指責Winka

不過，不少網民仍然繼續聲討Winka，亦有網民在連登討論區發長文指控：「Winka，你今次真係好X錯，係錯X到離晒譜，點兜都係錯。一見出歌冇回響，借首歌講分手消費舊男友，賣經歷sell歌。」又指Winka是「人紅拋棄糟糠，現代女版陳世美」。除了連登討論區，大批網民紛紛在Winka社交平台留下惡言，不過亦有人表示「Winka好型好敢言呀」。