MIRROR演唱會2024｜Ian陳卓賢solo環節講足12分鐘！訴說成長點滴感謝父母教育、為粉絲起新名叫「新抱」

MIRROR演唱會進行得如火如荼，第11場的彩蛋演出成員陳卓賢（Ian），用了超過十分鐘來感謝爸媽的培育，而現場亦有幾千人以「奶奶」來稱呼Ian媽媽。當晚演出後，更有不少粉絲把自己的名字改為「新抱」！

Ian陳卓賢分享對家人感言

MIRROR的亞博演唱會中，每晚都會有彩蛋環節，而第11場的彩蛋是Ian，他講了接近12分鐘感言，想借機感謝父母：「我哋平時唔傾偈，屋企食飯都係，唔開電視又唔講嘢，隻蚊飛過都聽到。全家又比較內歛啦，所以我今日借呢個機會講少少嘢。」Ian 由成長講起，指自己小時白白胖胖似墨丸「如果大家覺得我尚算勤力嘅話，咁我一定遺傳自父母，因為佢哋工作好辛苦」，又指自己「好似獨仔咁長大。好多謝佢哋嘅忍耐同栽培。」

Ian 小時候常故意不做功課（圖片來源：iancychan@Instagram）

Ian 又指自己喜歡挑戰制度，小時候常故意不做功課，「我覺得做功課係話俾老師聽我學識咗呢個知識喇；但我就覺得，我學識咗唔使話畀你聽，我唔識先要問你㗎嘛！咁我就特登唔做功課，考試特別俾心機考高分啲，『你睇下，我識呀！』要湊大我唔係咁容易。」

Ian陳卓賢感謝父母教育

Ian 同時感謝父母的教育：「爹哋媽咪嘅教育令我永遠都知道可以點樣去進步，令我有一個不卑不亢嘅座右銘喺心裏面。」音樂路上，父母亦默默支持，「永遠都係同我講，唔緊要，你自己選擇，負番要負嘅後果、問心無愧，盡力去做就得喇。好多謝你哋嘅教育。」

Ian陳卓賢為粉絲賜新名

值得一提的是，Ian還為粉絲賜名「新抱」：「媽咪每次睇騷都有少少戰戰兢兢，有啲開心興奮期待但更加大嘅係佢比較內歛，每次嚟到現場幾千個人叫佢『奶奶』」然後全場Hellosss即高呼Ian媽媽為「奶奶」。Ian又笑言︰「每次來看騷都好似多咗好多新抱仔」於是當晚演出後，有不少粉絲也把自己的名字改為「新抱」。

另外，Ian也有留意到海外Hellosss發起了小型投票「我最期待的陳卓賢彩蛋」。得票最高是《背伴》，其次是《抱抱無尾熊》，第三位是《二期大樓》。他稱：「我都會睇大家msg，雖然我未必會覆或者同大家傾偈…我聽到有人話想唱《背伴》」。