MC張天賦鬧爆外賣平台 大呻：搞到我錯咁！反獲另一外賣平台DM：「我哋即刻送畀你」

當紅樂壇人氣歌手MC張天賦，出道短短兩年，其首首作品都大受歡迎，當中以《反對無效》及《記憶棉》的MV播放量更衝破1000萬大關，同時橫掃多個新人獎項，早有「新人王」之稱，深得粉絲喜愛。最近他又有新作品《老派約會之必要》熱播中，不過日前不是在社交平台宣傳，竟然是鬧爆一件事，不吐不快！

外賣遲到反卸膊  取消訂單都有錯！

惹怒MC張天賦的原來是外賣平台。最近，MC張天賦在IG Story上載一張對話截圖，並在帖文中寫上：「落個order話2點幾到，Delay到3點，咁我要做嘢就cancel啦，遲已經算，個客服好意思同我講今次cancel以後就唔可以揀現金比（畀）錢？驚我走數？明明係你遲到攪（搞）到我錯咁？逼我用信用卡？咁就開開心心比（畀）你扣完錢要無條件接受，你遲到？送漏嘢？ #飽左啦 #一肚火。」

據知，事源當時MC張天賦在外賣平台上點餐後，原定於2時左右送到的外賣卻要延遲至3時，但他由於工作關係而要求取消外賣，但他竟獲外賣平台的客服回覆表示，如取消這次訂單後，日後將不可再使用現金支付訂單，令他有感外賣平台最把責任推卸到自己身上，令他最氣難下，因而出po洩憤。

獲另一外賣平台DM：「我哋即刻送畀你」

隨著MC張天賦大吐苦水後，不僅獲得不少粉絲聲討，出po約4小時後，都未必得到此外賣平台作任何回應；最反高潮的是他竟獲得外賣平台的競爭對手聯繫，表示：「你想食咩？我哋即刻送畀你」，而張天賦亦公開對話內容，更搞笑回應：「演唱會食牛扒得唔得？」如今被同業有機會來個靚抽，最終得到MC張天賦回覆，絕對是最佳的免費宣傳！