Anson Lo新歌《King Kong》首任MV導演大騷麒麟臂神徒網民意見兩極

Anson Lo新歌《King Kong》首次擔任MV導演

Anson Lo新歌《King Kong》的MV靈感來自《移動迷宮》系列電影，Anson Lo希望能向電影致敬，所以MV的開場參考了電影來拍攝，又希望可帶出良性競爭的道理：「喺升降機上咗嚟之後，就去到一個乾旱嘅沙漠，大家為咗爭一支水而展露咗唔同人性嘅決定，作出乜嘢選擇，其實成個故事配合返歌詞內容，比喻人為求要得到想擁有嘅嘢而競爭、比賽，但其實好多時同自己比較或者贏自己之餘，好大機會可以一齊贏，大家一齊擁有一個好好嘅成果，可以分享。」

作為首次擔任MV導演的Anson Lo，他形容是一個很驚慌的體驗，指自己除了要顧及故事情節外，亦要顧及幕後製作、流程、甚至是演員的演繹方法及情緒等，而Anson Lo表示這為他帶來無比的壓力：「如果話自己係呢個MV嘅導演嘅時候，就好似MV 100%好與壞都完全自己造成，所以由Day 1開始都好想確保MV質素係好，或者表達故事同歌《King Kong》本身首歌詞係同步，呢個係最大壓力來源。」

神徒力撐新歌《King Kong》半日過40萬點擊

對於「教主」出新歌，「神徒」當然力撐，《King Kong》MV更在短短半日內已突破40萬點擊，而不少粉絲都大讚新歌有突破性的嘗試，又指「見到教主一直在進步」、「謝謝教主帶來這首咁有意義的歌」、「新曲風很好聽」等。

不過，有不少連登討論區的網民都出帖文狠批《King Kong》難聽，又指「呢首仲差過mr stranger」、「呢首歌好似無melody咁」、「段rap 尷到傻 flow又差」、「Anson lo跳舞係ok嘅，但真係無乜邊首solo好聽」，甚至有人直指Anson Lo抄襲姜濤：「佢跟完姜濤未，姜濤做mv導演，佢又要做，永遠行係姜濤後面」。