Frankie陳瑞輝生日｜女友Christy突撰長文為自己平反 曝光「黑歷史」聲稱被抹黑誣蔑：想搞死埋我男朋友及MIRROR

男團MIRROR成員陳瑞輝（Frankie）自早前公開認愛圈外女友Christy後，女方就被連環爆出不同醜聞，連帶Frankie也陷入出軌風波，形象直線插水。後來Frankie開腔回應，令事件暫時告一段落。不過適逢今日（29日）是Frankie的36歲生日，女友Christy就再次送上「厚禮」，不但將個人IG轉為公開，更親自曝光「黑歷史」，證明早前的是是非非是被「hater」誣蔑針對！

閱讀更多：Frankie@MIRROR圈外女友終現真身卻惹出軌舊愛疑雲！密友大爆女方黑歷史：做過傳銷、自稱常做第三者、曾暗示被AK同時追？

Frankie女友Christy為自己平反 聲稱被抹黑誣蔑

Frankie與女友Christy的戀情自公開後就掀起一連串風波，其女友的感情生活混亂、多次做第三者的照片也紛紛流出，受到負面新聞影響，Frankie不但形象插水，更在新劇中被刪戲份。而Frankie在一個月前曾開腔回應事件，除了否認出軌外，又為女友護航：「最近一啲有關我私人生活嘅報導，為皮寶寶同支持我嘅你哋帶嚟困擾，我好抱歉。同時都想澄清，我係喺上一段感結束後，先正式開始而家呢一段關係，希望大家唔好再作猜測。另外，以前嘅我，唔了解自己好睇嘅地方，喺舞台放鬆唔到，冇信心。我開心大家最近睇到我嘅轉變，睇到我自信咗，開朗積極咗，打開咗自己，俾到更多好睇嘅自己大家睇。我知道呢啲注意絕對得來不易，我嘅轉變我感受到，我知道大家都感受到。最後，感謝你哋嘅體諒同支持。我會繼續進步，繼續做好，成為一個更好嘅自己，去報答所有皮寶寶同支持我嘅你哋。再次感謝大家。」

而一直「潛水」的Christy，就在Frankie生日的大日子突然將個人IG轉為公開，並開設名為「黑歷史」的精選動態，又表示：「記得click埋入去睇我嘅黑歷史，以後唔使旨意再改我圖誣蔑我，扭曲事實帶風向誤導其他人。」

Christy在「黑歷史」合集中展示多張截圖，首先她向受影響人士致歉，然後開始透露她在2021年已被人在Telegram及連登誣蔑，指她淫賤又搶朋友男朋友。同時亦有人偷她的泳衣相、跳舞相再放上網抹黑，甚至有假裝她的假帳號出現。而Christy指出：「而我留意到某啲相片，係我IG早已刪除，所以我肯定係身邊熟人做。」

然後Christy說「鬼」等到今年6月她與Frankie公開戀情後，終於出手，她又指自己發現對方有一個相簿，是儲存了Christy從2020至2024年的截圖：「佢忍到我公開自己係公眾人物女朋友後，佢就放晒2年前嘅捉鬼story出嚟，有啲相係佢改咗圖，亦有啲相係捏造出嚟。」、「佢當年唔爆其他相，係因為佢一直處心積慮，由原本淨係想搞死我，去到而家夾埋外人，想搞死埋我男朋友及Mirror。佢甚至夾埋其他fans、連登打手去不斷誣蔑我地，又會開幾個分身扮fans帶風向，萬一佢發現仍然有人支持Frankie，就會批鬥所有支持者。」

Christy表示自從6月後，網上對她的誣捏情況更為嚴重，她又表示「要去誣捏一個人真係好容易，所有嘢cut頭cut尾加幾張相同字就可以徹底毁咗一個人。我講呢啲嘢，並唔需要你哋相信我，亦唔需要為自己平反，只係想交代返件事。」Christy又稱與該隻「鬼」沒有深仇大恨，只推測對方可能是因為自己做過傳銷，所以投射了憎恨在她的身上。最後她又表示「希望可以交代到件事比大家明白，件事橫跨咗幾年有太多資訊要整合，我已經盡量簡短地交代。」

除了一系列的「黑歷史」精選合集，Christy也在一星期前曾發出帖文，表示：「如果遇到網暴，唔需要難過，因為haters就係想睇你唔開心，所以更加唔好諗要自殺，無恥嘅人唔會有悔疚感。我每次都好可憐啲haters，因為現實中，佢哋一定生活得好唔開心，只可以靠討論你先獲得少少快樂，你就當施捨下佢哋，咁樣諗就唔會唔開心，仲會學識感恩自己係幾咁幸福。」而男友Frankie也有對此帖文「讚好」，表示力撐女友。

而Christy在發聲後便將IG轉回私人，有不少網民質疑她在事件丟淡後，在男友生日當天才發聲，她就嬲爆反駁：「我IG唔係一個比人食花生嘅地方，我交代件完件事，比人cap晒圖就會del，唔通要留係到一世？莫名其妙，你覺得我好想公開我IG，好想公開一直比（被）人抹黑緊嘅言論，你鍾意選擇性失明就自便，如果我唔係畀人控制住，我會而家先出聲？」