Edan呂爵安霸氣千字文反擊Haters：唔認同做藝人就要啞忍！示範用3大金句回覆網民被批小家

MIRROR成員Edan呂爵安的首個個人演唱會日前圓滿結束，而演唱會後他亦面對不少批評，令向來EQ甚高的他也不禁在社交平台上撰寫千字文，並逐點回應Haters嘅留言，當中又為藝人發聲，引來不少網民留言力讚！

閱讀更多：呂爵安call車一肚氣：屢獲讚高EQ調停fans紛爭！Edan被的士司機一句說話激嬲咗：下次要果斷say NO!

Edan演唱會被批未夠歌開騷兼惡搞MIRROR成員

Edan早前於亞博舉行一連三場的《EDAN LUI “IN MY SIGHT OF E” SOLO CONCERT 2023 》演唱會，而演唱會編排方面亦非常精彩，除了自彈自唱兼勁舞，綜藝感超強的他在首場演唱會中亦不忘搞笑，長達30分鐘的Talk Show中，不但惡搞及恥笑MIRROR成員，又在台上自嘲唱歌走音及咬字不清。

不過後來到了第2及第3場個唱，Edan就決定縮短Talk Show時間，並在台上自爆首場過後，收到有網民DM批評Edan將隊友「擺上檯」，指責：「你覺得好好笑呀？」、「你諗唔到嘢表演呀？」，據知是惡搞其他MIRROR成員的部分觸怒了部份粉絲的神經。

Edan示範用3大金句回覆網民被批「小家」

而完結演唱會後，Edan就在IG限時動態上載與網民對話的截圖，當中又示範如何用3句金句來回應Haters，包括「感恩感恩」、「應該可以嘅，但我要問下經理人先」及「呢條係一條好好嘅問題」。雖然有粉絲大讚Edan夠高EQ，但卻再次惹來部分網民批評他公審網民的行為過於「小家」。

霸氣千字文反擊Haters：唔認同做藝人就要啞忍！

後來Edan不禁在社交平台上撰長文反擊，並逐點回應Haters嘅留言，包括「你係咪唔可以俾人話啊？」、「你唔好理啲haters啦！無視佢Block咗佢就算啦！」、「Po dm出嚟好小家，好冇PR。」等等。

當中提及自己可以接受理性及坦白意見，「好唔好睇，好唔好聽，好唔好笑，完全係base on個人喜好，鹹魚青菜，各有所好，唔鍾意係完全冇問題，我亦都好樂意接受。如果係直接msg我一啲人身攻擊，完全扭曲我原意嘅嘢，我就真係想講句『有心啦』！」又為藝人發聲，強調「藝人都係人，藝人都會有感受，但個世界好似禁止咗藝人有感受/表達感受。」

Edan又希望Haters能夠將心比己，「你哋做緊嘅嘢，係同樣地有人會對你偶像咁樣做，而佢哋亦都會受困擾，我相信你哋都唔會想佢哋suffer。所以，己所不欲，勿施於人。希望大家可以將心比己，其實無仇無怨，冇必要製造咁多負面嘅情緒，呢啲完全係vicious cycle（惡性循環）。」

帖文一出就引來大批網民讚好，有人更表示「雖然我唔中意呢隊人，不過都buy佢嗰句藝人唔係下下都要啞忍」、「今次反鏡都撐佢」、「佢邏輯好好」等。而不少藝人也紛紛留言支持，包括姜濤、MC張天賦、Tyson Yoshi、Serrini、張繼聰、劉沛蘅等。