Coffee林芊妤從釣金龜變老公食軟飯？急忙撰長文澄清兼放閃！

向來都是話題女王的Coffee林芊妤，繼多年前與富二代的「殘廁」事件後，形象插水脫離電視圈，有指從良做瑜伽導師，練得一副好身材，其後積極教班、拍片成功轉型KOL；於2018年，低調下嫁澳籍華僑翟志榮，成為少奶奶。不過，近年Coffee林芊妤KOL事業更上一層樓，加上推出自家瑜伽服裝品牌，吸金力驚人，最近一度傳出其老公「食軟飯」傳聞，日前Coffee急忙於新社交平台threads撰寫長文澄清，到底Coffee老公是金龜，還是軟飯王？

老實說，多年前外界對Coffee林芊妤不太認識，「殘廁」、「釣金龜」成為她的標籤，給大眾留下根深蒂固的印象。其後絕跡電視圈數年間，Coffee林芊妤彷彿已「洗底」，逐漸踏上瑜伽女神之路。

直至2018年Coffee林芊妤與拍拖3年的澳洲籍馬來西亞華人、任職銀行高層的翟志榮結婚，再被外界指她終於釣金龜成功，同年10月更誕下兒子翟德彥（伯伯）；到現在她靠自己開公司，卻被反指她老公食軟飯，令她百感交集。

從釣金龜變老公食軟飯

多年來，身經百戰的Coffee林芊妤近日也就「老公食軟飯」澄清，她在threads分享夫婦間對話：「琴日係到同老公講笑，講起之前有人話佢食軟飯，我突然醒起當初大家知道左我要結婚既時候，有傳媒知道佢係銀行高層，出左新聞話我嫁俾銀行家。跟住當時好多人話我貪慕虛榮終於俾我成功釣到金龜，之後仲傳我開公司都係老公打本俾我做先開到😂（其實開公司唔使好多錢）。到而家大家都知道我係靠自己開公司做生意，呢幾年仲做得幾好，就開始有人話佢食軟飯，要靠老婆。」

從釣金龜變老公食軟飯，Coffee林芊妤表示得啖笑，為老公澄清的同時，藉此勉勵女士們，要靠自己。「講真，老公當然養得起我，我的確可以選擇唔工作好好相夫教子，但其實女人想好好靠自己努力闖出一片天，都係一個個人選擇，我好開心自己可以賺錢買花戴。以當有人去評論你既人生，請你好好記住如果你因為人哋嘅睇法而改變自己，你過嘅係佢想要嘅生活，並唔係你想要嘅生活。每個人都有自己嘅選擇，而你嘅選擇都唔需要向任何人交代♥️你嘅人生你只需要向自己交代。」

Coffee出po後，獲大批粉絲留言力撐。