advertisement
- entertainment
- by Say八婆
- 2024-06-19
MIRROR成員陳瑞輝（Frankie、皮皮）的現任女友Christy在近日被爆出多個黑歷史，不但疑似一腳踏N船，更經常做人第三者，甚至一度周旋於Frankie及另一成員江𤒹生（AK、Anson Kong）間。隨著事件在網上發酵，愈演愈烈，不少「生粉」（AK粉絲名稱）都紛紛抨擊Christy，批評她將慘被牽連的AK「拖落水」，令AK好男人形象嚴重受損！
閱讀更多：Frankie@MIRROR圈外女友終現真身卻惹出軌舊愛疑雲！密友大爆女方黑歷史：做過傳銷、自稱常做第三者、曾暗示被AK同時追？
Frankie現任女友遭爆黑歷史 AK江𤒹生慘被無辜波及
Frankie與女友Christy的對話圖被爆出後，當中可見內容涉及Frankie及AK，其中女方提到：「點解ak會搵我傾偈嘅」，而Frankie就疑似呷醋回覆：「佢搵你一定去」、「你唔好搵我喇 你自己一早都揀咗 你講嘅 佢搵你一定會去 做咩我要對自己咁差啫」，女方則回覆：「佢唔會啦 傾閒偈only 同埋佢有女㗎嘛」而在截圖下方，Christy寫住：「可唔可以唔好1月1號就比呢啲難題我」，坦露出疑似周旋於兩男之間的心情。
另一張被公開的對話截圖，則可見是Christy與AK的私訊，而女方在截圖上寫道：「皮皮嬲咗我 因為我成日提AK 而家AK又係咁TEXT我 我都唔知係咪皮皮搵佢嚟試我 但係AK應該唔知我同皮皮咩關係」，暗示同時被AK和Frankie兩人追。但有不少網民直指二人的內容其實不算特別親暱，也不見有任何的曖昧成分。
生粉撐偶像Po對話圖 力證AK江𤒹生是暖男代表
對於偶像慘被牽連，有大批生粉表示極度不滿，又嘲笑Christy是自編自導自演，表示「完全唔覺得係flirt 普通傾偈」。
又有粉絲分享與AK的對話圖，指出AK向來都會主動與粉絲進行聊天互動，又笑指「AK只是比較多嘢講」。
雖然AK慘被捲入事件，但他似乎也沒有影響心情，近日也有照更新社交平台，為加場演唱會及新歌《偽映畫預告》宣傳做好準備。
