吳彥祖受訪剖白去美國重頭做起原因 大爆當年馮德倫郭偉亮吵架事件

男神吳彥祖（Daniel）近年積極在美國發展，曾參演多部荷里活電影，也是美國有線電視台AMC劇集《荒原》的主演和製作人。雖然他已移居美國，但在香港的人氣不減，他每次在Instagram上載新相發文，都獲大量粉絲點讚及成為網民熱話。近日他接受好友陳哲廬(Jerald)的YouTube節目以視頻形式隔空受訪，真情剖白留美發展的原因。二人談起相識經過時，更大爆當年郭偉亮(Eric Kwok)同馮德倫(Stephen)的吵架事件！

在美國出生和長大的吳彥祖，當年憑著帥氣外貌來港出道並大紅成為電影界男神。自從2010年名模Lisa S.結婚、3年後太太誕下女兒Raven之後，Daniel便回美國定居和發展電影事業。

馮德倫、郭偉亮爭論玩啤牌規矩

近日他接受Jerald的YouTube節目《本週Jer住你》邀請，以視頻形式隔空受訪，除了真情剖白留美發展的原因，更大爆當年二人首次見面時，便遇上馮德倫、Eric Kwok吵架，吳彥祖表示場面好dramatic！

原來當年吳彥祖與Jerald初次見面是在謝霆鋒家中，他說︰「我嚟到嘅時候，當時我只知道佢兩個（Eric Kwok同馮德倫）喺度嗌交，以為係講笑嘅，但發展到一個地步係冇人覺得舒服。」

然後Jerald表示，其實Eric和Stephen正在討論啤牌的規矩，爭論話題是「蛇食三條」還是「三條食蛇」，突然聽到有人被摑一巴掌，吳彥祖繼續說︰「好似係Eric不斷喺度講笑，然後Stephen突然爆，我識佢咁多年都冇見佢咁，所以都好愕然，以為係假嘅，我以為係玩吓，但見到佢手震先知係真。」場面一片混亂，而Daniel同Jerald既尷尬又愕然，Daniel更說︰「我當時真係覺得好奇怪，唔知發生緊咩事，個個人都鬧緊交，我同你好似係唯一正常嘅人。」這樣相識真是難忘！

男神的責任與使命︰為下一代作準備

談到在美國的發展，吳彥祖坦言自己在荷里活影圈只是小角色，沒甚麼地位，他要重新開始，更表示好懷念香港人那種認真和很有衝勁的態度。

那為何放棄香港、台灣和內地市場？Daniel說︰「好多人問我點解要去美國捱，在香港、大陸市場可以任揀、搵好多錢。但我而家所做嘅，係為咗下一代作準備。」果然是一位好爸爸。「我長大，係冇乜唐人喺大銀幕上面，但經過30年左右，我哋而家見到喇，所以我認為我有責任去為下一代籌謀，喺美國或者喺歐洲成長緊嘅亞洲小朋友亦都可以有一個成為電影明星嘅夢想，亦都可以成為一名演員，係一種選擇。」

提到他在美國成長時，甚少在電影銀幕上見到亞洲人臉孔，經歷30多年轉變，終於開始見到亞洲演員掘起，他說︰「點解我（以前）冇諗過做一個明星，係因為我喺美國長大，做明星唔係一個選擇，因為我冇見過呢樣嘢，我哋見到嘅只係一啲壞人嘅角色類型，所以我係冇諗過係可以去荷里活做演員。依家我見到道門開咗少少，我希望可以推開並再穿過，不過係好困難。」

不過他亦表示現時美國影視業界已經愈來愈開放，不再像以前有種「反亞洲人」的感覺，雖然仍然以白種人為主，但思想上已經有所改變。而他現時有機會擠身當地巿場，所以有責任去為亞洲人在美國開拓巿場。男神好有責任感同使命感！

事實上，吳彥祖曾參演多套荷里活電影，包括《魔獸爭霸：戰雄崛起》（Warcraft：The Beginning）、《人造天劫》（Geostorm）及新版《盜墓者羅拉》（Tomb Raider）等。他更於2015年與馮德倫合作製作美國電視劇集《荒原》，一連推出三季，自己做製作人及擔演主角。

《本週Jer住你》訪問重溫