193自嘲新劇髮型似王浩信？做生意全為將來鋪路 爆ERROR年尾有新節目

男子組合ERROR成員郭嘉駿（193）除了擁有自家品牌LILABOC外，更與朋友在紅磡開Tanuki Coffee，非當有賺錢頭腦，更被稱為「小企業家」。日前，193接受Do姐《口水多過浪花》訪問時，193坦言一切都是為了將來打算。

193擔心沒有工作 做生意鋪後路

做藝人收入一向不穩定，193亦自言擔心有天不再有人氣的時候沒有收入，「真係好驚會突然間冇收入，咁點維生？唔做呢行仲可以做啲咩？如果我冇錢，屋企人又點呢！」因此他除了開鋪做生意，更會投資錶、車和NFT，一切都是為未來打算。193說：「我而家做嘅嘢，都係為咗好唔穩定嘅將來打算，起碼我到時唔紅，冇人識嘅時候，我仲有自己嘅品牌、Cafe run緊，啲人唔係因為我個名而買，而係因為我個牌子而買。」

Do姐追問，有沒有跟跟其他ERROR成員傾過將來？193笑言：「其實大家都做緊唔同嘅生意，4個都好勤力去做生意，大家都需要錢，因為大家唔係出生於富有家庭，所以大家都需要賺錢，希望可以養活自己同屋企人。」原來193也是一個非常有計劃的人，Do姐有點驚訝，並繼續追問，若然有一天名氣不再，能否受得住？193坦言：「受得住，所以做咁多嘢就係為唔穩定嘅將來作打算，如果之後唔紅又冇人識嘅時候，我都仲會有收入。」

193自嘲短髮似王浩信

之前193為新劇《季前賽》而剪了短髮，不過Do姐就認為193呢個新髮型唔係特別好睇，「點都唔夠Anson Lo、 姜濤呢啲偶像髮型好睇，佢係一個標誌性。」雖然覺得唔好睇，但相比起長髮的193，Do姐認為短髮先夠醒神。193就笑言：「我而家有少少似你哋個台嘅藝員、小生，一定唔染髮，唔留鬚，我嗰日照一照鏡，覺得自己好似王浩信。」

EROOR 出新歌 大爆年尾有新節目

ERROR成員於2022年開始出返嚟，193亦有新歌《再次Puppy Love》推出，為拍MV更出錢出力。193坦言係心急想出MV，所以不惜自資都要出，之後有budget就可以出多首歌。另外，ERROR今年第一首團歌《愛情值日生》亦於上周推出。另外，193透露ViuTV暫定年尾有ERROR的綜藝節目，各位ERROR粉絲敬請期待了！

立即欣賞193《再次Puppy Love》MV

ERROR《愛情值日生》MV