大台小生花旦相繼離巢，邊個上位做一哥一姐，成為不少人討論話題。而大台親生女，31歲高Ling（高海寧）最近就密鑼緊鼓拍新劇，今次仲首次擔正做女主角。到底佢可否成為繼Ali李佳芯之後，下一位火速上位嘅女藝人？
在 Instagram 查看這則貼文
高Ling今次做特工，仲要擔正做主角！
高Ling正在拍攝新劇《C9特工》，佢喺劇中飾演一名在職媽咪，與劇中老公馬國明、同事黎諾懿、李家鼎、袁潔儀等人有不少對手戲。
繼《愛．回家》及《BB來了》之後，高Ling又再同馬壯做同事，今次佢哋嘅角色除咗同事，又會有瞹眛嘅劇情。
劇集係走時裝喜劇路線，而角色名叫「余小嬌」，無論係劇種同埋劇情都似係向「余春嬌」楊千嬅致敬！
好多人都盛讚高Ling孝順，事實上佢不時都會上載同屋企人合照放閃，早前佢就同外婆一齊「學貓叫」，cute到爆！
前幾日仲同餅印媽咪慶祝生日。
印象中高Ling喜劇演出唔算多，而且今次仲做女主角，真係演技大考驗，小編都好期待呢套劇嘅推出！
