雯雯鬧爆張致恆賴死唔走！ 更稱對方一毫子都冇 全家食一樣嘢維生？

張致恒與老婆區燕雯（雯雯）於2019年奉子成婚，兩人結婚至今已育有3名兒子，但雯雯卻時常說要離婚，被網民戲稱為「離婚界KOL」。近日，雯雯跟網民玩「你問我答」，再一次隔空罵爆張致恒！

張致恆老婆雯雯直言有得食已足夠

雯雯近日再次於網絡公審張致恒，早前她被無良業主臨時反口拒租，但最後都成功找到另一住屋，有網民問她：「搬咗屋慣唔慣？生活上有冇改善少少？」雯雯表示：「有地方住，已經好滿足，生活上冇改變過。」網民又問：「你提及過佢哋有時返學嘅車錢都冇，全家三餐都係撈麵嗎？夠飽咩？」雯雯回答：「其實有得食已經足夠。」

睇更多雯雯張致恒過往新聞：

雯雯韓國童裝網店被指賣淘寶貨 本人凌晨回應：淘寶都有韓國人！做嘅一切對得住自己

雯雯表示張致恆沒給一分錢 

其後，網民問到雯雯「最想要什麼？」，她直言：「目前一定係金錢」，同時透露現在每月需要3萬才能處理全家生活上的問題，即使她有開網店賣狗狗用品，但生意不似預期，更暗示張致恒沒給她一分一毫，「一個人要廢，冇嘢冇可能。」

周永恆因恐嚇內地妻被捕！盤點5位圈中曾爆性醜聞「恆」字輩男藝人：有人家暴、有人是「恐怖情人」

雯雯罵爆張致恒

有見及此，網民問起了二人關係，又有網民說：「有一日，係天X商場見到你同你老公有講有笑，關係有冇好到呀？」雯雯即火爆地回應：「24小時都要對住，冇可能每一分鐘都嘈！趕又趕唔走（張致恒），賴死喺度，又一毫子都冇，又懶！如果你有辦法可以令佢離開嘅MSG（訊息）我。關係呢世都唔會好！人嘅本性好難改變。」

於是網民問：「點解唔離婚？」她說：「有小朋友唔係話即刻就做，要安排好多野（嘢）」，有人建議趁張致恒出差可以搬走，靜靜分居2年，雯雯則表示：「間屋我租，點解我要走」，然後網民反問：「間屋你租 點解要比佢住？」，雯雯應道：「你可以嚟帶佢走？」 ，網民總結出「即係你屋企依家住咗條蛀米蟲」，雯雯只回覆了一個微笑的表情，相信是對張致恒早已失望透頂。

睇更多張致恒過往新聞：

張致恆與大J拳賽前頻現負面新聞：減磅失敗遭Naomi追債