陳家樂都俾人戴帽？網民齊撐鬧爆余香凝

昨晚洗晒版嘅一定要數陳家樂含淚回應記者追問同余香凝分手嘅事，期間答到眼濕濕，網民見到即刻心都疼埋，有傳余香凝身邊出現第三者，令陳家樂心碎，網民紛紛留言撐佢～仲有唔少網民去余香凝IG鬧爆佢。

今年31歲嘅陳家樂入行15年，早前因為無綫劇《逆緣》中飾演「冷凍爺爺」鍾定國一角成功出位，正值事業高峰期。

舊年陳家樂駕揸車接余香凝放工時發生車禍，余香凝當場鼻骨爆裂，當時好男友陳家樂話會一生一世照顧女友，並送上鑽石戒指作為見證，亦曾唔止一次喺在訪問中提及視余香凝為結婚對象，非卿不娶：「我係好希望一路行到組織家庭，至於得唔得就睇個天，希望我嘅付出可以做到。」

不過始終拍拖係兩個人嘅事，事實係點樣都要等兩個人拆解，無論最終解唔解決到問題，都希望家樂早日走出傷痛，重新出發～小編好期待你下一套新劇嘅演出㗎！