- entertainment
- by Say八婆
- 2024-05-28
《九龍城寨之圍城》剛突破8千2百多萬登上香港電影史上華語影片總票房第2位，而伍允龍日前為電影宣傳時，自爆舊愛鍾嘉欣留港期間，亦有進場支持。鍾嘉欣昨日現身美容品牌活動時亦有提及相關事情，再見亦是朋友的他們仍有保持聯絡，甚至大讚伍允龍：「佢咁好男仔，佢係荀盤。」希望他能早日遇到另一半。
將會留港一星期的鍾嘉欣，被問到是否有到戲院睇戲時，表示有進場支持《九龍城寨之圍城》，直言：「呢套電影真係A++++，因為真係每一個演員都做得好好，每一個角色都鍾意，打得好有型，又有香港情懷。」其實伍允龍日前為電影宣傳時，已經自爆舊愛鍾嘉欣有進場支持，兩人多數透過社交平台聯絡。
伍允龍當時被問到鍾嘉欣如何評價他時，他笑言：「話做得好囉，哈哈！」同樣地鍾嘉欣也被詢問同一條問題，她表示戥伍允龍高興，認為他遇到好角色，因為王九這個造型非常適合他，而且在戲中的表現非常自然和好放。又指：「因為我知道呢個係佢夢想，希望可以拍多啲動作片，I am very happy for him 。」
伍允龍從影多年終於得到認同
伍允龍由以往未太得到觀眾的關注到擁有現在的成績，鍾嘉欣即表示：「佢一直都有價值，努力總有成果，好似我咁我會期待自己嘅未來十年，我亦好期待佢嘅未來十年，我覺得會好精彩，同埋我替佢好高興。」對於「王九」令伍允龍爆紅，他坦言從影多年，當然會感到高興，而且今次的作品他亦有份設計，看到觀眾的反應接受高，表示非常warm。是否苦盡甘來？他指：「其實慢慢一直都有啲成績，不過今次效果好突然，做咗咁多年，今次有個角色大家係咁認同嘅，好開心。」
九龍城寨之圍城續集計畫
電影已落實開拍續集《龍頭》和《終章》，據伍允龍所知《龍頭》主要交代上一輩如「龍捲風」和「殺人王」為主軸的往事，《終章》則以城寨拆卸後4子的故事。由於伍允龍所演的「王九」已死，如果繼續出演續集有機會以另一個角色出現，不過因為計劃未定，他指若果導演再找他演出會非常樂意。鍾嘉欣對續集表示除了期待外亦想出演，自言好打得，假如有機會也樂意與伍允龍一同演出！最後被問到會否想伍允龍早日搵到另一半，鍾嘉欣表示：「梗係啦，佢咁好男仔，佢係荀盤。」望他早日能遇到另一半。
延伸閱讀>>伍允龍憑《九龍城寨》「王九」人氣急升！關於伍允龍的5件事：曾與鍾嘉欣拍拖8年遭受電視台壓力！16歲成為葉問嫡傳徒孫！
