莊韻澄與奶奶上節目婆媳關係佳 事後卻稱從未見過呂成忠一家人？本人親揭一個驚人真相！

張致恒前度莊韻澄（前名莊端兒），日前宣布與老公呂成忠（Joe）分居一年，正辦理離婚手續。她又陸續指控呂成忠擅自帶兒子到台灣作威脅、情緒勒索、「食軟飯」等。日前，莊韻澄接受媒體訪問，透露呂成忠神秘身世，指結婚至今從未見過對方家人，隨後莊韻澄又於訪問中揭一個驚人真相 ！

莊韻澄奶奶論引爭議 

莊韻澄指結婚至今從未見過呂成忠家人，她說：「佢成日講佢老竇漸凍人症死，佢阿媽有情緒病，佢家姐發燒燒到有少少輕度弱智，呢個係佢同我講嘅背景。」

但是有網民起底，指莊韻澄去年參與ViuTV綜藝節目《廚神奶奶是你媽》時，與一位叫「碧姐」的婦人亮相，稱這位泰國女人是自己奶奶。而她在節目上亦介紹對方為奶奶，指對方已居港多年：「因為疫情關係，結婚前淨係見過奶奶一次，跟住都冇相處過。」二人不但一起煮飯，更在節目中為碧姐準備生日驚喜，似乎關係不錯，難免令人覺得莊韻澄的說法自相矛盾。

莊韻澄驚揭真相

莊韻澄表示諒解網民的好奇，於是有回應「奶奶」事件，她說：「我都好鍾意嗰個奶奶，不過你哋要問返呂生，呂生搵㗎嘛。」言下之意，亦即表示該奶奶並非呂成忠的真母親，是臨時演員。

莊韻澄說：「咁佢媽咪唔方便，要搵一個奶奶拍，我都要搵錢㗎嘛。當然呂生係知情啦，呂生如果唔知情，就唔會有呢件事發生。」

問到當時是否莊韻澄向呂成忠講要帶奶奶上節目，她稱：「應該由佢去問（奶奶），搵錢大家都要搵錢，大家都有呢個共同需求，都係共同意願，所以唔可以搵一樣嘢抽秤我咁樣講」。

莊韻澄指未見過男方家人 

莊韻澄指自己跟男方媽媽只有一次見面之緣，在她生了兒子後，有一次前來探望，她又指：「但係佢家姐同屋企人我真係見都未見過，我形容同佢哋好疏遠，佢亦都冇去介紹過，及後我都話可唔可以叫阿媽出嚟做呢個節目，大家都需要呢個節目，咁大家就有個咁嘅提議。」

最後，莊韻澄被問到會否擔心今次爭議影響形象及接Job，莊韻澄說：「豁出去我先唔會俾人威脅，佢冇籌碼，我連藝人嘅面子都放低，咩都唔介意，開啟咗任你哋鬧嘅模式，我都唔介意，但係當然我都會接到好多（工作）。」