網民嚴選8大愈望愈靚女星！湯唯周迅蔡思韵都是「第二眼美女」！仲有一位被指︰初頭好X但睇睇下就順眼！

娛樂圈一向美女如雲，但同時亦有不少女星不是以顏值為賣點，但同樣吸引人注意。近日，有網民以「一開始覺得唔靚，但望望下覺得好靚既女星」為題，在連登討論區發文，討論哪些女星愈望愈覺美麗。以下8位女星都得到高票數被認為愈來愈有魅力！

網民選愈望愈靚女星1：湯唯

因飾演李安執導的電影《色，戒》一炮而紅的湯唯，外表給人感覺舒服，但在演藝圈這地方，的確算不上漂亮。

不過，網民認為她十分有魅力：「一開始覺得佢對眼好細，但拍愈多戲，愈望愈有氣質，好順眼」、「電人好西利，好有女人味」、「睇過佢啲戲返唔到轉頭」。

網民選愈望愈靚女星2：周迅

演技了得的周迅，常被拍到臉色暗沉的生圖，更一直被指像路人。但連登網民卻認為她：「本身又係覺得唔靚，個樣好似太成熟，但睇畫皮之後改觀哂，真係好靚，做戲又勁，睇到佢最後眼濕濕，原本覺得男人做戲勁會對個樣有加乘，但原來女人都會」、「周迅畫皮小唯真係癲，係少數鐘意嘅大陸女星，把老牛聲係少少缺陷，但又好獨特」。

網民選愈望愈靚女星3：舒淇

性感女神舒淇身材火辣，此次也被很多網民提名：「佢靚在自信，樂觀，俾人感覺愈來愈好」、「舒淇又係，細個覺得好樣衰，唔明啲人話佢靚咩，但大過左就覺得佢個樣唔差，仲keep得好好」、「舒淇要睇佢動態先覺得吸引，之後再睇相就覺得靚咗」。

網民選愈望愈靚女星4：蔡思韵

被稱為文青女神的蔡思韵，外表給人斯文的感覺，但算不上驚艷。在此次「愈望愈靚女星」中也上榜：「香港新女演員嚟講外表有個性，演出亦有可塑性」； 不過，亦有網民認為：「佢一時時，某啲shot 影得佢口大，會有啲落差」。

網民選愈望愈靚女星5：金高銀

因出演《孤單又燦爛的神－鬼怪》而知名的金高銀，五官自然，但因單眼皮而曾被嫌醜，一向都不是大眾追捧的靚女明星。網民認為：「初頭好X，睇睇下就順眼」、「睇返佢初出道套露點戲，之後就覺得佢好吸引」。

網民選愈望愈靚女星6：金多美

擁有可愛童顔的金多美，也有一雙單眼皮眼睛，一直被不少韓網民指「第一眼很醜」。但在此帖中，網民認為她有氣質：「那年我們的夏天一開始睇覺得唔多靚，但睇睇下又幾順眼幾吸引」、「呢個主要係氣質好」。

網民選愈望愈靚女星7：申惠善

曾在不少韓劇中出演過女二的申惠善，在《今生也請多指教》和《哲仁王后》終於初嘗爆紅滋味，亦曾被韓網民評為「第二眼美女」。連登網民認為她：「我都覺，呢個真係明明第一眼好普通，但套套劇都越望越好睇，點解會咁」、「哲仁王后嗰陣勁好睇囉，佢個樣唔知係咪因為係一眾整容樣入面，佢比較天然，所以望落去好順眼」。

網民選愈望愈靚女星8：蘇玉華

今年55歲的蘇玉華已淡出娛樂圈，但仍有不少網民認為她愈望愈靚：「初時覺得好老土，但越老越好睇」、「以前覺得佢好師奶，後來愈來愈多膠面整容女，反而覺得佢靚咗，好自然」、「初時覺得好老土，但越老越好睇」。