林泳淘搭地鐵被非禮摸Pat Pat 貼疑犯照反被網民公審 本人長文回應：預咗會被人話

近日台灣藝人黃子佼引發了新一輪的「#METOO」，想不到在香港也有METOO事件發生。事主是TVB前主播林泳淘，她自爆在搭地鐵時遭陌生男子「摸Pat Pat」非禮。林泳淘事後有把照片分享上社交網站，但網民的評論竟令人意想不到。

林泳淘分享疑被非禮一事

林泳淘昨日於社交平台發文，稱自己在搭地鐵時被人摸Pat Pat，她拍下了一個男子的照片，寫道：「啱啱搭地鐵，準備開車之際，Feel到pat pat俾人好快咁拍咗一下，我即刻望過去，就見到呢個人好近咁企咗喺我後面。我一直望住佢，佢就一直都係咁樣望前面，真係唔知佢係有心定無意，但我好後悔當刻無即刻指證佢，起碼等佢驚一驚，之後唔敢咁樣對其他女仔。嬲啊！」

之後，林泳淘刪走此則帖文，然後再於限時動態寫道：「Story出咗，收到好多msg（信息），有鬧佢嘅，有感同身受嘅，亦有鬧我話佢好可憐嘅亦有鬧我話佢好可憐嘅，喺度多謝所有意見。」

林泳淘表示遭責難

林泳淘又表示自認是大膽之人，但懷疑被非禮那刻都有遲疑，所以更加後悔，才決定出Story。她同時又無奈地道出當中的心路歷程：「出story之前，我已經預咗會被人話，因為我真係無當場對質，呢樣亦係我最嬲自己嘅一點。不過係一架唔太full嘅車卡入面，企埋一位女士格離（隔籬），係運行中有意無意碰一下，雖然時間好快好短，但令我覺得非常唔舒服亦係真的。收到好多女仔msg佢哋都遇過呢種情況，當下真係又嬲又唔知可以點，我好明白。」

網民評論林泳淘事件 

此次事件隨即引起網民熱議，不過網上反應兩極，有不少人替她可憐，但亦有人認為林泳淘不應該公審該名男性，更在林泳淘社交網站留言：「又話自己好大膽，點解唔捉住個人當場報警啊？喂，快報警啦等警察查明件事啊！ 唔系全世界都以為你係造謠、緋磅、盜用他人資料，就只係為左博出位咋 」、「成日話強姦毁女人一生，無啦啦比人當性罪犯又算唔算毁個男人一生？萬一係誤會，人地又博緊晉升，比你咁搞一搞你點賠比人？」