林明禎被MIRROR呂爵安公開追求後受批評！業內人士列5大事實為女神平反：紅係應份！曾合作導演亦力撐

自從MIRROR成員呂爵安（Edan）公開認追求林明禎後，引來粉絲的兩極意見！部分粉絲大讚呂爵安真男人、「好Man」等等，亦有部分粉絲失望，甚至批評林明禎表示不滿！不過近日就有業內人士發文，列5大事實反駁為林明禎平反，並且指林明禎紅係應份！

廣告公司合夥人Terry在個人的Facebook專頁「Terry的媒體懶人堂」中，以「純個人分享，同明禎合作幾次，我真心覺得佢紅係應份的。」作開頭，發長文列5大事實反駁為林明禎平反。

在 Instagram 查看這則貼文

業內人士列第1個事實反駁：零死角美女

Terry表示自己的公司與林明禎合作過幾次，每次都合作愉快。首先大讚林明禎外型保持得非常好，又表示上鏡靚其實很難，並非生得靚就可以。Terry繼續指：「表情管理身材管理重要性格管理，要張張相都靚，大大個OOH（戶外廣告）放你大頭仲要零死角，唔係個天對你好就得，你都要對自己好對客戶好對團隊好。」曾經遇過最大的問題就是，因為林明禎太上鏡，每張都很難選擇！

業內人士列第2個事實反駁：豐富表情、動作控制

Terry對林明禎擁有豐富的表情和動作控制感到讚嘆，他指：「就算用幾強嘅風機吹住佢，真係可以每秒，講緊真係每秒都可以做到唔同表情。」攝影師日後可以明確分出唔同相片，令工作人員可以有更多選擇同時在現場選擇相時亦會更方便。Terry續指：「個動作啱晒，打燈就晒明禎姿勢同角度，然後攝影師要求明禎個身唔好郁，淨係轉表情，佢真係可以完全唔郁，但係每秒個表情都唔同，仲要靚喎。」Terry強調影相表情動作是需要練的，而且不是每個人都能練到。

在 Instagram 查看這則貼文

業內人士列第3個事實反駁：保持有禮態度

Terry大讚林明禎每次到拍攝現場時，不論是拍片還是影相都會「長期保持High Energy」狀態。每次都會與拍攝團隊溝通、主動與在場工作人員打招呼，亦會記得每個單位的代表。Terry補充到每一次拍攝期間，大家都開心工作，無論幾忙都唔會因為佢影響士氣。同時亦有網民留言表示，她曾經與林明禎合作過，指：「（林明禎）連對住我呢個18線司儀都勁有禮貌勁nice。」

業內人士列第4個事實反駁：敬業樂業

林明禎的敬業精神獲Terry激讚，他透露：「拍廣告前要開會，我哋去佢以前住嘅酒店會議廳，開咗兩個鐘頭事前會議，無論有冇對白表情，所有嘢佢都會追住導演問到篤。」Terry就分享一次拍攝經歷指，曾經有1幕要拍林明禎的喊戲，當時導演已經收貨同時現場亦唔可以再拍，林明禎是會衝出來跟導演表示「俾我拍多一次」，原因是佢她覺得自己可以再做得更好。即時拍攝已成過去，Terry在下一個活動時接林明禎，她依然會談及該場喊戲「想試多Take」。及後Terry再與comment補充：「有唔熟嘅Task直程會請老師自己練定先，總之務求唔好阻到大家做嘢。有呢個意識唔難，紅咗咁多job都仲keep住有呢個意識就好難。」

在 Instagram 查看這則貼文

業內人士列第5個事實反駁：用心準備

林明禎對傳媒訪問亦非常用心，活動訪問會係答到超時，Terry表示有林明禎在，傳媒絕對不會空手而回，她會在事前和現場時都會確保你的工作順利，同時會交好成績。Terry又指：「遇過咁多好嘅團隊同作品，有恆仔、有Sunny導演扶住，自己功課又做得足，咁都唔值得紅？花瓶係得個靚字，擺喺度純粹觀賞，但係又唔識郁，放唔啱地方就會阻住地球轉。而明禎係知道現場工作要求係啲咩，事前做定俾你，現場做足俾你，呢啲唔係叫花瓶，呢啲係專業。」

獲過3千人讚好長文

Terry的長文獲過3千人的讚好，甚至連曾與林明禎合作拍攝《飯戲攻心2 》的導演陳詠燊也留言力撐林明禎，贊同Terry的一番說話！不少網民同意林明禎值得紅，同時亦有少量有合作過的工作人員留言讚工作時的林明禎表示：「試過同明禎喺外地拍6日5夜，對足咁多日佢都係一樣咁禮貌、咁專業，而且非常照顧人，一個人點假都唔會扮到6日，佢係真心pure值得紅。」