- entertainment
- by Say八婆
- 2024-05-08
TVB節目《東張西望》近日連續報道弓一名76歲老翁何伯的故事，他在9年前喪妻，之後遇上了比他年輕30歲的內地女人，兩人認識兩個月後便閃婚，但是何伯的5名子女因此與他反目，節目播出後，引起網民熱烈討論，事件成為城中熱話。事件經過了兩天後，今天有最新發展，有YouTube Channel「起底」新何太背景，指她出鏡時，身上的行頭估計逾36萬！
何伯與新何太結緣
據《東張西望》報道，何伯跟一名有18歲兒子、比他年輕30歲的內地婦人閃婚，何伯因此與5名子女闗係決裂。新何太更面帶甜蜜說：「同佢行密咗，發生咗啲關係，就決定結婚。」何伯指結婚後，5名子女態度大變：「佢話，點解識咗個女人，而家好多內地女人係呃錢。我諗我信得佢過，唔會𠱁我錢，我心目中佢唔係壞女人。」原來，何伯與新何太相識一個月，新何太已經叫何伯從定期戶口提早取出100萬做生意。不過何伯想去銀行領錢時，卻發現戶口款項已經不翼而飛。事後職員表示戶口中的450萬，已被女兒以本票形式匯走。
報道播出後，不少網民都熱烈討論，更有網民指新何太身上的行頭估計起碼值36萬。
訪問當日，新何太換了3個手袋。除此之外，網民更細心分析：「足金戒指 2錢至3錢重 時價$6000-$8800。鑽石耳環目測50分至80分起碼3-5萬。珍珠頸鏈 15m以上 色澤均勻 型狀圓潤有光澤 5萬起跳，珍珠耳環同頸鏈配埋一套 $3500-$5000，右手白金鈪目測8錢起跳，白金通常都一口價唔按時價 $20000走唔甩。足金手鈪依隻3D硬金花，我係周生生見過$18400。又轉左對足金耳環，真貪靚 2錢左右 約$5600。兩個名牌袋，無涉獵唔識計。又一個名牌袋唔識計，有人話過百萬，剩係啲行頭唔計手袋，我計最低個數都36萬8200！」
有見及此，Youtube Channel「 852HKTV HK Walker 」於今天數小時前（5月8日）起底新何太背景，以下3點為該頻道起底新何太的說辭。
《東張西望》新何太身份揭秘1：結了3次婚
聲稱對方不是第一次結婚，第一次是與內地人結婚，並誕下一名兒子：「離婚後，佢再同香港人結婚，不過嗰個老公，就唔俾佢帶個仔落嚟，佢自己落咗嚟7年後就拎到身份證，之後再同第二任老公離婚，跟住就排公屋，依家住緊嘅公屋就係佢當年排番嚟。」
《東張西望》新何太身份揭秘2：打現金出糧工逃入息審查
新何太被指擁有多個名牌手袋，又全身穿著名牌，竟可住公屋而沒有被人入息審查。該頻道指因女方是打現金出糧的工作：「佢就幫一啲公司屋邨商場嘅檔口打散工，出現金糧，所以就冇俾人查。」
《東張西望》新何太身份揭秘3：去年看中何伯
該頻道又稱新何太在去年認識何伯，「睇中」對方有錢，出動「迷魂湯」迷倒何伯，令對方最終與她結婚，而何伯的子女識穿了新何太的「詭計」，便立即轉走何伯戶口的錢。不過，由於該頻道所說之話沒有實質證據，只是一面之詞，所以很多人都指「聽完就算」，並希望《東張西望》之後會繼續查明真相。
