- entertainment
- by Say八婆
- 2021-11-18
ViuTV節目《晚吹- 戀講嘢》由ERROR成員郭嘉駿（193），夥拍鄭伊琪（浩南）、譚凱倫（Helen）和郭奕芯（Ashina）主持，為現場嘉賓拆解愛情疑難。而近日播出的第13集就有嘉賓Wai Wai大爆被歌手男友狠飛事件，指男友在入行簽約唱片公司後，態度就180度改變，不但慢慢疏遠更大玩冷暴力，最後感情無疾而終正式分手。而節目播出後，不少網民就根據Wai Wai所講的線索，猜測該名男歌手是誰，193更指「識佢男友」，即看以下歌手嫌疑人！
《晚吹戀講嘢》嘉賓爆被新出道歌手男友狠飛
嘉賓Wai Wai在節目中分享歌手前男友的相識經過，指與對方在國外實習時認識：「有一次去唱K，聽到佢唱歌好好聽，我係好鍾意把聲好好聽嘅人，咁就被佢吸引咗，跟住返到香港再約會，之後就一齊。」Wai Wai指與對方拍拖時一直很少吵架，相處向來和諧，直至男友與唱片公司簽約後關係就出現轉變，男友曾抱怨因炮製禮物而「搞到我少咗時間做音樂」，又以忙做音樂為理由而不陪伴Wai Wai。
及後二人就開始冷戰，「一個月後佢就打咗好大段嘢畀我，大概係話佢呢刻想專注做音樂，因為佢嚟緊要派台，好多嘢做，佢話忙完所有嘢會再搵我。咁因為我哋有啲爭拗，佢話唔想有一丁點嘅情緒，影響到佢做音樂。」於是Wai Wai直接問男友是否想分手，然而男友卻指不想分手「唔想分手、唔會分手，總之我忙完就會喺你屋企樓下搵你。」Wai Wai又問到底要讓她等多久，但對方就繼續拖拖拉拉不給予期限。
直到男友將寫給Wai Wai的歌拍成MV，Wai Wai驚見MV女主角竟然是她曾向男友表示反感的女生，一怒之下就在社交網上取消追蹤男友，二人最終正式分手。說到此時Wai Wai眼泛淚光，並指「首歌係佢寫比我。」
而193在節目中對於Wai Wai的遭遇就深感同情表示：「不如我做衰人，分析下你個Ex，入咗行見識嘅世界唔同咗，見到咁多⋯咁靚⋯娛樂圈真係一個大染缸嚟㗎，所以Wai Wai變得微不足道。」並指男方應該是不想親口說分手，想一直拖到關係無疾而終。及後又指「好多男仔想分手，又唔好意思講出嚟，所以選擇逃避，想拖下拖下就淡落嚟。」
網民勁猜歌手男友嫌疑人
雖然Wai Wai在節目尾聲依然祝福對方「希望佢繼續追隨自己夢想，唔好畀自己有遺憾。」但一眾網民依然為她不忿，紛紛想找出這名歌手男友是誰。有網民整合了關於Wai Wai男友的線索，包括是創作型男歌手、有簽約唱片公司、識畫畫、去年12月有出歌、有寫歌給前女友、MV中有女主角、樂壇年資「新新地」等，繼而分析出以下嫌疑人。
1. 陳浩（Edward.C）
有網民指出嫌疑歌手是2020年出道的樂壇新人陳浩，擅長演繹抒情及R&B風格歌曲，其出道作品爲《貼心後援》。不過陳浩就經已在IG出Post澄清否認，指「我有唱歌，我有作曲，我有寫詞，我有寫文案，但我是真的不懂畫畫啦。」
2. 陳天翺（Eagle Chan）
第二最大的嫌疑歌手就是《全民造星II》出身的Eagle，日前宣布加盟「Kingdom C」，而Eagle的《OUR LAST DAY》MV片尾，女主角慢慢不見，有網民指有「曲終人散」的意思。（Wai Wai在節目中指男方的新歌是寫給前女友，並將關係形容為曲終人散。）
另外亦有網民提出林家謙、應智越（細貓）同樣有嫌疑，但由於二人都是獨立歌手，可以從嫌疑名單中剔除。
