整蠱定係嚟真？2021愚人節惡搞產品大合集

又來到一年一度的 April Fool's Day 愚人節，由於大家已經接受了愚人節要做節的傳統，大部份眼見的宣傳產品都不會當真。不過認真未必輸晒，假作真時假亦真，今年竟然有惡搞產品真正推出市面，到底邊款產品咁搞笑？一齊睇睇。

芫荽condom芫荽紙巾陪你做節

芫荽令人又愛又恨，有人見到它的名字已想「掉頭走」，有人則大呼「好鬼正」，今日兩大貼身用品品牌 Tempo 與 Durex 都一齊宣佈推出芫荽「口味」產品：

譚仔阿姐着「咪跣」拖鞋敷「實小勒」面膜

無時無刻給予大家無限親切感的譚仔阿姐，今年成為愚人節中堅份子，兩大米線品牌「譚仔雲南米線」以及「譚仔三哥雲南米線」都宣佈有新搞作。

首先「譚仔雲南米線」宣佈與 Foodpanda 合作推出 Tam Jai Express，由譚仔阿姐傾力將米線外賣送到以往未能隨時食到譚仔米線的離島區域，認真窩心體貼。

小編反而睇中譚仔阿姐腳上一對「咪跣」拖鞋！未知有沒有廠商有意投產？

而譚仔三哥更加趁愚人節「講笑變真」，推出「實小勒V臉面膜」，與本地品牌「平凡媽媽」合作，推出以辣木子為主要瘦面成份的美白面膜。

只要於譚仔惠顧加HK$18就可以換購一塊，期間限定，賣完即止。

不過下面分不同辣度的V臉面膜就應該好似唔係真嘅。

美白面膜係真嘅！更找來連登女神 Jessica Chan 拍攝仙氣十足宣傳片同以助聲勢！（Jessica譚仔腔有進步空間，開聲聽！）

IKEA推出復活節Staycation

每年愚人節當然少不了鍾意惡搞的IKEA，今年品牌就為大家呈獻大家最想去的Staycation推廣活動：

鏞記擬似crossover Pizza Hut

Pizza 擬似回應鏞記

Pizza Hut 開小型足球場

玩埋一份：Uber Eats幫你將「暴龍」送去朋友屋企

愚人節除了圍觀各大品牌廣告宣傳大戰之外，自己亦可玩埋一份！Uber Eats就於今日限定以代號「暴龍」幫大家運送 Jacomax 嘅一塊薄餅，大家都可以一試送份大禮畀親朋好友，睇睇對方收到「暴龍正在運送到你屋企」有何反應？

小編睇到有啲亂，難得一個 April Fool's Day 畀大家有個藉口講下笑，又難得一個復活節五天長假期，大家都笑下輕鬆下啦！小編都返埋位做埋啲嘢準備放假喇～