張致恒IG推銷性玩具作聖誕禮物被轟教壞細路！Steven反駁掀罵戰更被前粉絲爆多次借錢接濟？

被外界封為「離婚界KOL」的張致恒（Steven），雖經常被老婆雯雯網上公審，但他仍努力賺錢養家，過往曾派傳單、做小食店員，近日他宣布在情趣用品店工作。怎料，日前張致恒因一則聖誕禮物推介帖文而引起網民負評繼而對罵，被指教壞小朋友？

張致恒推介聖誕禮物

張致恒於旺角一家情趣用品店打工，不時都會叫網民上去參觀，日前更出帖文推銷性玩具作為聖誕禮物，他在帖文中指：「聖誕節話咁快就嚟到啦，有冇諗好有啲咩禮物送俾朋友呢？冇嘅話，可以試吓上嚟我哋Sixtoy 睇吓喎！」然後推介了吸吮震動奶茶杯這一性玩具商品。

張致恒帖文引罵戰

怎料，此帖文竟引來了網民罵戰，有人留言：「OMG，我睇緊啲咩？！公然叫人賣性玩具？」

張致恒回覆：「公然？乜我做緊犯法咩？」而該網民則指他的行為會影響小朋友：「只不過身為一個公眾人物，做呢啲推銷，有無諗過會影響小朋友？！如果小朋友問你：爸爸爸爸，呢個係咩嚟？點樣用？你係咪會同太太示範畀佢睇？有時人哋唔係針對你，只係你要諗你做呢個行為嘅背後會影響到啲咩人！」

張致恒回應：「我只係知道我唔做嘅話我連飯都冇得食，有得顧慮咁多咩？如果你咁講，咁我希望你屋企淨係播卡通片，小朋友（唔好）睇到啲任何關於殺人吸毒防火嘅嘢，如果唔係嘅話佢要你示範你都幾忙！」

之後，該網民又斥張致恒：「生咗又要好似你咁周圍問人借錢養仔，咁為乜？仲要生四件。」張致恒反指：「請問你又知道我經歷緊啲乜嘢咩？其實祝福你三個字唔係咁難打㗎咋，點解做人一定要惡意？講句好聽嘅說話真係咁難咩？」

前粉絲爆料曾借錢予張致恒

誰知，該網民突然自爆自己曾是對方粉絲，曾借錢予張致恒：「我曾經當呢個人係偶像，但佢連fans都唔放過一次又一次咁問我借錢，原因就係因為老婆要去私家生仔。你問下佢記唔記得我係邊個丫！搞到今時今日咁，係邊個造成？曾經接濟過佢幾多次，對佢失望過幾多次。你哋會明真心當佢係偶像，對佢好，然後換嚟傷害嗰種感受嘛？佢有無同粉絲道歉丫？一句都無丫？依家扮哂可憐！」