孫慧雪力數家傭姐姐7宗罪！要求有me time 返工唔做嘢 網民：到底邊個先係老闆？

孫慧雪雖成為人母，但仍活躍於幕前，至於家務方面，就要聘請家傭來幫忙分擔，然而要遇上一個好家傭也不是易事。孫慧雪就曾分享每次請家傭姐姐都有不快經歷，例如對方試過欠債、偷東西，更曾遇過犯罪集團的家傭姐姐，相當恐怖。 近日，孫慧雪又換了一個新家傭，可惜今次也不例外，同樣令孫慧雪留下不快經歷，她早前更於社交網站發文出post求助！

延伸閱讀>>>家傭姐姐打斧頭！張欣欣智破手寫單出古惑詭計，皆因一項技能超越老婆

孫慧雪力數家傭姐姐7宗罪！

帖文內容指，該名新家傭姐姐第二次放假已去了找男朋友並想在外過夜，並於早上6時回家，其後一直不願起床，要雪雪自己洗碗兼照顧小朋友，十一時才再叫醒對方。家傭徹夜失蹤，可是回家後不願認錯，更說：「我唔舒服咪唔返嚟囉！」雪雪指其實自己EQ都好高，但每次請家傭都遇到唔同問題真係好無奈。

雪雪更分享了這位家傭的7宗罪，並笑言是「七不思議」事件，等大家有花生食。

孫慧雪力數家傭姐姐罪狀1：第一日返工失蹤

本來應該到嗰日，即第一日，佢失聯，後來再出現話前僱主幫佢搞farewell party, 所以失蹤咗一日。

孫慧雪力數家傭姐姐罪狀2：返工唔做嘢

嚟到唔做嘢，我洗衣籃傾瀉，我哋問佢係咪唔識用洗衣機啊？不如教你呀，佢話：我識呀，已經幫自己洗咗幾機衫，然後我先發現，係喎！晾起全部都係佢啲衫！

孫慧雪力數家傭姐姐罪狀3：只顧自己唔理他人

佢嚟到第一日，要求每晚都要有me time做運動，都唔緊要，但係佢晚晚一早就自己收工，唔會再幫手，然後攞瑜伽墊，換晒full set運動衫做瑜珈！跟住又係洗自己做完運動嘅full set運動衫唔係我哋啲衫。

孫慧雪力數家傭姐姐罪狀4：面試返工兩個樣

面試時，佢話自己好內向，唔鍾意出街，只係會匿喺屋企，除非有緊要事要辦先出去，下午兩三點都已經會喺屋企，結果第一日放假，佢話夜晚11點先返，我哋好驚訝，話佢interview都唔係咁講，佢話我鍾意匿喺男朋友屋企，可能我幫慣外國人做嘢，同你哋style唔同。

孫慧雪力數家傭姐姐罪狀5：懶惰唔做嘢

佢做咗幾日，表明自己就做唔晒啲嘢㗎啦，你哋請多個姐姐嘅時候，我再同佢傾，點樣合作做你哋屋企啲嘢啦其實我屋企只得我、老公同小朋友，小朋友已經盡量自己湊，接送都係我同老公，有家教老師喺度嘅時候，佢都唔幫我哋執床，自己去咗me time。

孫慧雪力數家傭姐姐罪狀6：推隻窗落街

最誇張嘅係：第一日入屋，佢用神力推咗我屋企隻窗落街！真係非常好彩係無傷到人！之後佢同我講， 隻窗係自己跌咗落街！（註：隻窗喺工人房）

孫慧雪力數家傭姐姐罪狀7：咩都唔願做

雪雪還表示叫姐姐幫忙拿東西，豈料對方指拿不到，要求他們自己做，又指其家中是新裝修，有驗窗，是次經歷是人生裏很難忘的事。

雪雪的帖文一出，引起網民討論，不少網民叫她「應報知入境處」、「將她列入黑名單」、「我一定會炒咗佢」，又指「睇落你似工人多過佢」、「睇嚟佢要你照顧返佢喎」，又有網民懷疑家傭同agent合謀，想雪雪多付一次agency fee。不過幸好，雪雪指「經歷令我學識唔會再心軟」，並指已通同姐姐分手。希望下次雪雪可以遇上一個好的家傭吧！

延伸閱讀>>>制定「外傭工作表」｜對付大頭蝦工人姐姐