呂爵安演唱會黃牛丨支持者疑墮黃牛陷阱失$2,800 Edan發聲：係咪可以報警捉到佢？

MIRROR成員Edan呂爵安首個個人演唱會《EDAN LUI “IN MY SIGHT OF E” SOLO CONCERT 2023》將於本周五（25日）揭幕，開show在即，Edan不忿有爵屎疑墮陷阱，損失了HK$2,800，昨晚（20日）在IG限時動態公開爵屎跟mostickets網站的對話截圖，為fans出頭要求該網站解釋。

呂爵安IG連出 3 個story幫爵屎出頭

事緣Edan發現有支持者買演唱會黃牛飛疑被騙，於IG連出3個story為爵屎討回公道。第1張對話截圖可見，涉事網站聲稱有內部飛：「每人最多只可留兩張 內部票購買是全款預留 演唱會前7天前出票」當這位fan用轉數快付了HK$2800購買1set門票後，卻被涉事網站封鎖，Edan在雙方的對話截圖上寫道：「本身出新歌cover pic咁happy 上tg grp望一望見到有人被呃（疑似）即刻躁_咗 希望係誤會啦下 事主就話畀完錢就被block @moxtickets可以可以處理下？」

相關文章 >> Anson Lo盧瀚霆個唱黃牛恐慌性拋售！最低驚現半價 原來門票「炒燶」是因1個原因？

第2張截圖是該名支持者使用轉數快付錢的證據，Edan寫道：「提提大家 搵人買飛真係唔好畀錢先 一定係面交一手交一手」Edan並點名收款人YIP TXX KXX：「可唔可以幫幫手解釋下？有冇人可以話我知，如果真係呃人，有FPS資訊係咪可以報警捉到佢？」

第3張截圖，是一間小店的嚴正聲明，指遭涉事網站胡亂使用地址及近似小店account名收錢。Edan寫道：「原來之前試過用人地址扮晒嘢，咁應該真係騙子了 其實都唔係第一次見到有爵屎被人呃 究竟有冇方法可以懲罰到哩啲人？」懷疑有一間 moxtickets使用mostickets店名魚目混珠，收取 爵屎入數之後消聲匿跡，令事主血本無歸。

呂爵安多次「拆彈」為fans出頭獲讚EQ高

雖然未知道Edan這次出手，會否令到受害fans取回演唱會飛，或者將涉事人繩之於法，但他今次出手，絕對對於騙徒有警剔作用！因為呂爵安作為演唱會的主角，他發聲一次，比起任何人的數百次不斷控訴更有影響力。其實Edan不只一次作出敢言之舉，他每次見到不公平的事發表意見，多數都得到大家的好評，並讚他EQ高：希望今次爵屎有呂爵安出聲，可以順利拿取演唱會飛，開開心心睇show啦！

回顧呂爵安敢言事件1 >> 呂爵安call車一肚氣：屢獲讚高EQ調停fans紛爭！

回顧呂爵安敢言事件2 >> 呂爵安Edan被hater直線攻擊！高EQ回應獲網民力讚