- entertainment
- by Say八婆
- 2024-07-11
婚姻向來是一門學問，藝人們的婚後生活也不例外。近日，郭晉安與歐倩怡驚傳離婚，因女方的爆料而引發網絡熱議，被網民指她誇大其詞；另一邊廂，吳若希亦因公審老公而掀罵戰。有見及此，有網民於連登討論區以「歐倩怡做老婆大鑊啲，定吳若希做老婆大鑊啲？」為題發文，引起一眾網民熱烈討論！
郭晉安澄清歐倩怡言論
近日，歐倩怡在訪問上指郭晉安在自己患病時冷待自己，她透露當時發燒、呼吸困難及失禁，枕邊人沒叫救護車，她暈倒起身時，頭仍塞在痰罐。之後，郭晉安有對此回應：「唔係真嘅嘢我唔想再講，唯一真嘅係我房唔會有痰罐，因為係套房。」
了解事件來龍去脈：
歐倩怡談前夫郭晉安「見死不救」引兩極意見！親自回覆網民卻愈描愈黑 解釋「純粹係節目效果」
當媒體問郭晉安會否問歐倩怡為何這樣講時，男方指不會問，因為分開了各有各的生活，好難控制他人說什麼：「喺娛樂圈都適應咗唔會高調回應（網民鬧她忘本？）唔想去評論。」
吳若希公審老公引熱議
而吳若希近日亦因老公積極接送女同事上班，將對話截圖放上網公審一事而遭熱議，有網民覺得，無論怎樣不滿老公也好，身為公眾人物都不應該將家事放上網。
了解事件詳情：
吳若希公審老公接送女員工句句有骨！曲線呼籲全港市民幫手𥄫實老公？網民反應兩極
吳若希最新激動回應
吳若希則無懼負評，正面還擊網民留言，其中一條留言指她做第三者：「所謂崩口人忌崩口碗，人地都係做第三者搶個男既返黎，當然怕俾人搶老公啦」吳若希非常激動，更罵對方是「X樣」，她說：「哇～ 你第二個世界返嚟ga？ 我幾時做第三者搶人哋男朋友呀？ 平行時空？」
之後更兩度標注老公，要他還自己清白：「有條X樣話我係第三者喎？想問吓？我係唔係第三者啊？」、「Hello？ 我問你我係咪第三者啊？人哋話我係第三者啊！出聲啦！世界好老闆！」而Alex就簡單回答：「不是」獲老公證明自己不是第三者的她，繼續回應該網民：「喂！X樣～話完我第三者你 say sorry未？」
網民討論誰做老婆比較「大鑊」
有見及此，網民在連登討論區熱議到底誰做老婆比較「大鑊」。樓主寫道「歐倩怡：野雞高學歷妄想症煩膠；吳若希：公審女王」。
不少網民紛紛發表意見，有部分人認為娶吳苦希比較「大鑊」：「公審尼下都X，作為公眾人物不知所謂，同啲MK喺網上面宣洩自己心情有咩分別？」、「不如問點解有男人會娶吳若希呢啲人」、「娶歐倩怡佢起碼低調跟你18年，低調已經煩少好多嘢」，甚至有網民認為「娶吳若希係對男人最大嘅懲罰嚟」。
亦有部分人認為娶歐倩怡比較「大鑊」：「吳苦希對老公不離不棄，就算佢出去偷食都肯XX佢，無即刻離婚分身家，呢啲老婆先可以過人世」、「吳若希典型MK癲婆，只係個格又衰又BITCH，但仲係正常人既範疇，歐倩怡出返黎之後直頭精神有少少失常，講野3分真7分假，語無倫次成個白卡婆咁X樣」、「都大鑊，但吳若希似係你對佢好，就算你有日梅到X街都唔會掉低你走左去」、「歐啦，痴線自製故事X阿旺xx(勁過武則天」。
不過，有網民搞笑提出為何不加張致恆老婆雯雯在名單中：「娶咗雯雯仲大鑊」、「點解唔加埋雯雯落去」。
