吳浩康疑為兄弟張致恒抱不平 勸Steven老婆：唔好搞佢得唔得呀？雯雯竟用5個字反撃！

昔日為同門歌手的吳浩康（Deep）和張致恒（Steven），過往曾因負面形象影響事業，停滯不前。不過二人的「人氣」仍然高企，前者被封為「職安真漢子」，以顧家暖爸形象完美洗底；與被指是「離婚界KOL」的張致恒不時被相提並論。近日吳浩康接受訪問時更勸告張致恒老婆：「佢老婆唔好搞佢得唔得呀？」疑是想為張致恒抱不平；不過這句話觸動了張致恒老婆區燕雯（雯雯）並在IG反擊！

吳浩康勸誡Steven老婆：唔好搞佢得唔得呀？

事源於日前吳浩康擔任由周國豐、伍仲衡主持的YouTube節目《週五有周伍》的嘉賓，伍仲衡對吳浩康笑言：「張致恒幫你唔少喎」，他隨即回應並澄清：「我喺IG出第三條片嗰陣，有個工友同我講，你再出呢啲片，你個friend死喇喎！其實呢我哋仲有聯絡，衰仔。」指自己與張致恒仍是友好關係，不如外界所想。

期間，吳浩康疑似為兄弟張致恒抱不平，竟爆seed：「佢老婆唔好搞佢得唔得呀？唔好公開搞，匿埋搞，畀啲空間佢搵吓食！」他又分享指自己也曾淊入谷底，「我自己都試過喺好谷底嘅時候，基本上呢一行好現實，好多人都唔敢行埋嚟呀，不過令我有修練......夠食夠使，正行正業，盡力維持好屋企。」

雯雯發文反擊：我唔需要人認同

在昨日（2月21日），雯雯在IG限時動態發文，以6句說話反擊：「我問心無愧，做自己想做嘅嘢，講自己想講嘅嘢，喺自己平台做自己。我唔需要人認同，亦唔需要批評我啱與錯。」貫徹其過往我行我素的風格，此發文經已超過24小時，可是老公張致恒未有就事件作回應。

而今早（22日）吳浩康亦於IG限時動態發文，是要說甚麼嗎？