余迪偉不滿半裸照登艾粒演唱會發火鬧爆：性取向歧視同埋職場欺凌！網民：玩還玩但要尊重

余迪偉不滿半裸照登艾粒演唱會發火鬧爆

今日凌晨兩點，余迪偉在社交平台上分享昨晚艾粒場內的照片，當中可見艾粒演唱會舞台大螢幕中播放余迪偉赤裸上身的相片，並寫著「迪偉同你浸溫泉」。而余迪偉就直指艾粒二人未經同意就使手他的照片，又批評二人是性取向及職場歧視。「呢張相係我IG嘅，有冇經過我同意上你哋個大台去賺錢呢？呢單嘢係性取向歧視同埋職場欺凌！」並在IG Tag了阿占及當奴。

其實多年來艾粒都有以「迪偉後花園」「迪偉俱樂部」作搞笑橋段，當中會借余迪偉的性取向，虛構一位叫做「迪偉仔」的人物，並作一些語帶相關的活動，而多年來都相安無事。對此余迪偉突然發火鬧爆艾粒二人，令不少網友大感驚訝，事關外間一向認為他們幾位資深DJ私底下都是相當要好的朋友。

網民反應兩極：曲線宣傳艾粒演唱會？

余迪偉發文後，少爺占及當奴暫時未有任何回應，而網民的反應都兩極，有人表示艾粒毫不尊重：「艾粒以前喺口水年代已經成日攞嚟玩...聽得幾次已經唔好笑之餘，亦已經開始覺得係人生攻擊、歧視、同埋職場性騷擾啦」、「撐你呀，先唔講你同佢哋嘅友誼深厚，但性取向都唔應該直線或曲線咁取笑，尊重人係文明社會嘅原則，咁樣整我都唔知笑點起（喺）邊，佢哋真係好無聊」、「責任完全喺佢哋度。大家同一個辦公室咁多年，我諗你應該唔只一次表達過你嘅不滿。」、「同一個笑說講好多次就係煩」、「玩還玩但要尊重」、「迪偉好大方講佢性取向一不過唔代表佢要俾你大庭廣眾攞出嚟笑」等。