新聞女王｜何依婷回應與佘詩曼不和傳聞稱：真係好無聊喎！ 佘詩曼一舉動徹底粉碎謠言

《新聞女王》自播出以來，外界就一直盛傳佘詩曼與何依婷二人不和。早前佘詩曼在社交平台分享了與何依婷的合照，並長文讚何依婷。日前何依婷接受媒體訪問時也有所回應，更指這些傳聞很無聊！

佘詩曼與何依婷不和傳言 

佘詩曼與何依婷一直被傳不和，早在劇集播出時，何依婷回應結婚一事，有媒體問及會否邀請《新聞女王》中的上司佘詩曼和李施嬅，何依婷指：「冇位呀，我只係搞小型婚禮，佢哋會明白，同埋之前劇集首播食飯，佢哋都見過我未婚夫。」

除了表示不會請佘詩曼，早前《新聞女王》一眾演員在接受訪問時，何依婷表示自己的角色十分「反骨」，與本人反差「超級大」，一旁的佘詩曼突然表示：「唔係啊，我覺得你真人都係咁」，之後何依婷的表情則略顯尷尬，以：「Man姐太入戲」將話題帶過。對此，何依婷回應：「佢講笑啫，我識佢嘅人唔係咁嘅意思，或者佢太入戲，Man姐就係咁！」

佘詩曼長文反擊謠言 

在 Instagram 查看這則貼文

可能由於不和傳言愈傳愈盛，佘詩曼早前在Instagram分享了與何依婷，還有其他同劇女演員的照片，並以長文寫道：「碌下碌下個photo album 見到呢幾張相，想講吓呢個妹妹仔何依婷，第一日「新聞女王」圍讀，俾我嘅印象係唔係好出聲，但係有主見嘅，跟住到第一日開工手揗腳震但係好俾心機嘅，忍唔住話俾佢聽應該點做，連續開咗兩日後佢同我講：『哦..原來演戲係咁嘅』果然係學霸，好聰明，而家出嚟嘅成績，大家有目共睹，唔錯吖，我曾經都係新人，新人係需要大家嘅包容同埋慢慢接受，大家一齊俾啲時間佢啦，徐曉薇 我期待你嘅蛻變，唔好令Man姐失望，加油！」

而何依婷也留言：「Man姐，好開心可以同你一齊拍劇，雖然一開始真係好緊張，手揗腳震，但係你身上真係學到好多，你是最最最最最好的！我會加油努力，好好記住你教我既野，唔會令你失望！愛你。」

何依婷親口回應事件 

日前，何依婷出席活動，接受媒體訪問時再有回應不和傳聞，她表示：「其實呢啲傳聞真係好無聊喎，但明白大家寫嘅時候係會覺得好有趣，我同佢見到呢啲新聞嘅時候，都會覺得好無辜同好無奈。」

之後又被問到此類傳聞有否影響到雙方關係時，何依婷稱：「咁又唔會，對我哋嚟講完全係好小事嚟。而Man姐佢都好好，當有呢啲嘅傳聞出咗，佢係會出嚟澄清，變咗喺佢身上面學到好多嘢，因為佢嗰種處變不驚，我係要好好學習。」