面癱危機隨時有？現年34歲的前港姐何天兒（原名何傲兒）早前就自爆出現了面癱情況，又透露自己花了3個半月時間去醫治面癱問題，她又拍片分享面癱前的先兆，原來面癱成因十分常見，以下幾類人士更會有大機率患上此疾病？
34歲何天兒自爆面癱恐留後遺症
近年淡出香港娛樂圈及北上發展的何天兒，經常於社交平台上拍片分享美妝心得，然而早前卻突然銷聲匿跡，令不少觀眾相當擔心。日前何天兒終於現身社交平台並交代「失蹤」原因，她在片中坦言早幾個月前罹患第七條交叉神經線問題，導致面癱。
她在影片中又展示了當時的照片，並描述發病前的身體警號：「第一日食早餐嘅時候，條脷好似有層膜包住，味覺弱咗。到咗第二日就出現右邊後腦位置出現頭痛，呢個情況出現咗幾日，我都有試過拉筋，但係情況都冇改善。到咗第三日出現右眼有腫脹感，同平時捽眼嘅感覺唔同，不過因為有工作，所以諗住第二日先去睇眼科。」
到了第四日，何天兒完全失去了上唇的知覺，於是她隨即尋求中、西醫幫助。「當時我就即刻打畀我嘅中醫師，佢叫我試下吸氣、呼氣，睇下有冇漏氣，當時唔知道點解係會係漏氣嘅，之後就即刻幫我針灸，仲開咗藥我食。之後到夜晚我就去咗睇西醫，佢就開咗抗敏感藥，同14日嘅高劑量類固醇。」她在片中又提到，中醫指出其面癱成因是身體受涼或壓力太大而影響到免疫力，導致神經系統受損。
何天兒表示經過3個半月的治療之後，現時右邊面終於回復正常。她又指身邊有朋友同樣出現面癱情況，但痊癒後留有後遺症：「其實嗰陣都好擔心，因為身邊有啲經歷過面癱嘅朋友，試過好番之後，隻眼會一邊『dup』咗喇，又或者有啲表情紋係不一致，甚至有啲可能因為太遲去治療，令到康復情況唔係太理想。」
留意5類人士易有面癱風險
臨牀常見的面癱在西醫診斷稱為貝爾氏麻痹（Bell’s Palsy），病理為第7對腦神經（顏面神經）受到感染，以致受影響一側面部肌肉失去活動功能，屬於周邊神經系統疾病。面癱可發生於不同性別及年齡的人士身上，而以下幾類人士患上面癱的風險亦較高：
- 上呼吸道感染者
- 受情緒或壓力困擾人士
- 經常睡眠不足人士
- 糖尿病患者
- 孕婦
另外，中醫也認為面癱患者可由於操勞過度、休息不足、情志過極、久病體衰等因素，以致精血虧虛，經絡失養。在這個狀態下一旦受到風邪侵襲，如頭面部吹風受寒、濕髮睡覺、洗頭後不即時吹乾等，就會引致氣血阻滯，肌肉緩縱不收，便會導致面癱。
閱讀更多：洗髮後不吹乾有機會致面癱中風！日本節目親授快速吹髮秘技 最快4分鐘可吹乾全頭？
罹患後48小時是就醫黃金時間
如果不幸出現面癱情況，就必需要在黃金治療期48小時內求醫，才能達到有效治療。因為爭取在發病後的48小時內進行適當的治療，治療成功率高之餘，復原愈快出現後遺症的可能性也會大大減低。若然是過了3至5天後才看醫生，神經系統可能會已壞死不可逆，隨時會留有後遺症。
