advertisement
圖片來源：互聯網
一世的承諾，究竟係咩呢可？中國羽毛球名將林丹日前被爆背住老婆謝杏芳偷食，睇見新聞的一刻，即時眼鏡碎滿地，估唔到作為運動員的超級丹，咪又係輸咗俾心魔。之後會如何處理就係兩口子的私人事，不論結果如何，只想講句，其實離婚冇乜好怕，唔少女星不但因此重獲新生，仲比以前更靚更幸福添！
賈靜雯
台灣女星賈靜雯當年同前夫的離婚官司由台灣打到去美國，足足15個月，好彩最終如願把女兒留在身邊。之後更遇上比她年輕9歲的現任老公，亦快將第三度做媽媽，但臉上只有幸福完全沒有老態呢！
王菲
王菲的兩段婚姻大家應該還記得吧！就算經歷多了，也只不過是多了一份成熟，年底還會開演唱會的王菲無論是皮膚定體態仍然Keep得好好呢！
樂基兒
如果唔係因為大家都知，相信單憑雙眼應該唔會覺得樂基兒曾經結婚和離婚。咁多年都完全不缺愛情滋潤，就知道佢狀態係幾咁Fit啦！
Selina
才剛離婚不久的Selina，日前在台灣出席活動時足足瘦了成個碼，感覺年輕不少。佢就話係努力的成果，仲等緊下一朵桃花來臨添喎！
趙頌茹
離婚後雖然要獨力照顧兩個女兒，但每次出現公開場合的阿Yu趙頌茹，感覺仲有一份少女味！
