港女多整容？拆解微整形內幕，話你知邊位女星係港女整容對象！

雖然整容或微整形愈來愈普遍，但平時喺街，你又有睇唔睇得出你眼前嘅女仔有冇整容呢！今次就由兩位微整形過來人Yaki同Berry，仲有微整形醫生Dr. Vivian Cheng講俾大家知，邊位女明星係港女嘅「整容icon」！

內幕1：整過嘅地方唔郁得？

好多人以為臉上做過微整形嘅地方，一定要就住就住，甚至連摸都要細細力！但依照Yaki身邊朋友嘅經驗，即使個鼻做咗微整形手術，依然可以左郁右郁，甚至大力按壓，所以根本唔可以憑呢點證明一個人有冇整容或微整形！

內幕2：微整形喺香港唔普遍？

錯了！唔好以為微整形喺韓國、台灣先普遍，其實近年微整形喺香港已經漸漸普及，好似Yaki同Berry所講，好多港女都有微整經驗，而且整過嘅鼻同下巴係最易睇得出！

內幕3：最多港女嘅整容對象係......

呢位女星其實講出來都唔會太surprise，因為佢就係擁有「絕對美人臉」嘅Angelababy。鄭醫生話後生女多數會要求跟baby來整，特別係baby個咀！而有返啲年紀嘅女士反而唔會想整成「明星臉」而係依照個人喜好去整！