星級爆瘡實錄！唔想成日生暗瘡，呢5個方法記得做足！

生暗瘡呢樣嘢可以話係好多人嘅惡夢，因為即使係紅到好似蔡依琳、孫燕姿咁，都好有可能受暗瘡問題困擾，一唔好彩留低暗瘡印仲麻煩！

上次就同大家講過生暗瘡嘅時候，有咩唔做得！（翻看按這裡）唔少網民睇完都話想知多啲有關生暗瘡嘅時候，有咩處理方法！唔想之後有暗瘡印、唔想生完一粒又一粒，以下幾個方法記得要做足啊！

1. 瞓多啲
雖然係老生常談，但要膚質好絕對要有充足嘅睡眠。記得盡量避免熬夜，如果唔係毒素會喺肝臟積聚，暗瘡只會愈來愈嚴重！
2. 定期去角質
之前提到生緊暗瘡最好避免清潔過密，但喺冇生暗瘡嘅時候就記得勤力啲，定期去角質或者做深層清潔，將肌膚底層嘅污垢清走，疏通堵塞了的毛孔，自然有助減低生暗瘡嘅機會！
3. 食得夠清
想皮膚好，飲食習慣都好重要！盡量食得清淡，避免辛辣、油膩等刺激性食物之外，甜品都係皮膚差嘅原因之一！因為當血液中含有過多葡萄糖，會令骨膠原流失，久而久之會更令皮膚失去彈性，想靚記得盡量少食！
4．記得補水
生暗瘡嘅時候最好著重保濕，即使好想變白都盡量避免喺有暗瘡嘅時候美白。因為生暗瘡好大可能係因為肌膚缺水，當肌膚水分不足的話，油脂分泌會變得更加旺盛，油脂會將毛孔阻塞就好容易生暗瘡！
5. 熱敷去暗瘡
生暗瘡記得唔好擠！如果暗瘡已經「熟晒」，腫脹之餘又造成臉部唔舒服嘅話，可以用熱毛巾喺患處熱敷，有助暗瘡加速老化之餘，亦有助於清理暗瘡嘅分泌物，唔怕會留低暗瘡印！