advertisement
如果大家有睇《藍色海洋的傳說》，應該仲記得全智賢飾演嘅美人魚角色，有冇幻想過自己都可以變成美人魚？現實中當然冇可能啦！但依家日韓女生大流行嘅「人魚の鱗」美甲或者可以實現你嘅願望！
繼玻璃指甲的熱潮之後，呢款「人魚の鱗」美甲同樣以晶瑩剔透嘅質感為重點，加上不同底色、配飾和珠片等作配搭，例如貝殼、海星、珍珠等元素，喺陽光底下閃閃發亮，就好似魚鱗一樣，望落就好似幫指甲變身人魚公主一樣，炎炎夏日都感受到海洋嘅味道。
「人魚の鱗」美甲嘅配搭多變，可以運用唔同嘅底色做出唔同嘅效果，例如粉色、幻彩色、裸色等，再跟據個人喜好貼上唔同嘅閃粉、閃片同閃石，無論係單色款或是富有層次感嘅多色款，都好吸睛～最啱出海或去沙灘玩，夠晒意境！
小編就偏愛呢種幻彩嘅色彩配搭，包唔會同人撞款呀！
如果怕款式太誇張，個別指甲可以夾雜單色嘅淺色系底油，更特顯出「人魚の鱗」閃耀嘅效果！
各位準備好為指甲換新裝未？
圖片來源：glitter58、nailjaol、a0i.419、grida7777、nylove7326、meejin.psym、moonnail5553、fiorenail_refuss、ggonail @Instagram
