鄭欣宜周秀娜2大女神鬥嘴鬥性感！邊個最滿意自己個「嘟」嘴？

兩大女神鄭欣宜（Joyce）、周秀娜（Chrissie）因拍攝電影《29＋1》而結緣，成為好友。二人經常鑽研化妝技巧、分享心得，今次更大談唇膏經，除了為自己搜羅新一季唇妝產品，又為對方揀選心水唇膏；原以為二人滿有默契，但原來一味靠「搶」，過程蝦碌又帶點搞笑！最搞笑是，其中一位女神更自誇雙唇夠「嘟」、夠立體，而另一位都不甘視弱立即曬嘟嘴，一齊鬥性感！

鄭欣宜、周秀娜二人老友鬼鬼，經常私下約會，又不時鑽研化妝技巧、分享心得，今次更大談唇膏經，而講到新一季唇妝產品，話題更是滔滔不絕。鄭欣宜表示：「我喜愛這支NARS Powermatte Lipstick #Mogador ，當塗上雙唇後，令牙齒特別顯白，哈哈。我咁鍾意講嘢同笑，就perfect啦。」而周秀娜則偏愛這支唇膏型號是 #Too hot to hold ，「原因跟Joyce的差不多，第一次搽上後，由於我哋嘅皮膚帶點黃，唔係真係咁白；所以當搽上唇後，感覺自己瞬間變白2度，係2度，好勁呀，令我好驚喜！」

此外，她們也為對方揀選心水唇膏，原以為二人滿有默契，但原來一味靠「搶」，過程蝦碌又帶點搞笑！當周秀娜想揀之際，鄭欣宜突然喝住：「唔好揀我嘅心水啊！」隨即拿起其心水選擇。「Wow～ 你呢支個名好勁！我選了 #Dragon girl 給你，好適合你。因為Chrissie給我嘅印象係好hot呀，仲有女人味，因此鮮紅色唇膏好適合。」周秀娜則揀選了這支型號 #Night moves 給她，「呢隻顏色好襯你套衫，而且Joyce喺我心目中比較活潑、好開心，又喜歡笑，這麼巧合，這個唇膏型號都幾襯你。」 

問到二人滿不滿意自己的唇形時，鄭欣宜即以一貫搞笑的作風搶答，「我十分滿意自己的唇形，有少少嘟嘟地的感覺，不是「奪」呀！是嘟。哈哈⋯⋯ 她自己也不禁大笑起來。而周秀娜也不遑多讓表示很滿意自己唇形，「 覺得自己雙唇都有啲嘟啦。」二人一齊曬嘟嘴、大鬥性感。

PRODUCER | Mabel Shek

VIDEOGRAPHER | Ivy Chow

VIDEO EDITOR | Melody Law