advertisement
細細個睇《花木蘭》，成日覺得動畫版個女主角細眼額高，冇一般迪士尼公主嘅美貌，點知今次拍真人電影版，選角真係令人大跌眼鏡！搵嚟古裝同現代打扮一樣仙氣十足嘅劉亦菲出演「花木蘭」呢個角色，反而令人好期待！
據外媒報導，迪士尼今次喺選角方面落咗一番心機，為咗搵到合適嘅角色人選，喺過去一年跑遍全球，試鏡人數多達千人，要求只有三個：要會武術，會說英語，最好仲有明星氣質，喺2008年同成龍、李連杰一齊拍《功夫之王》嘅劉亦菲，正正就係合適嘅人選！
要講劉亦菲嘅形象，確實係相當百變，配合唔同嘅妝容，都畀到人唔同嘅感覺！小編就最鐘意佢古裝打扮，有種清新脫俗嘅感覺，特別係淡妝嘅時候，你哋又最鐘意佢邊種打扮？
今次呢套《花木蘭》真人電影版，由《動物園長的夫人》導演Niki Caro執導，Chris Bender、Jason Reed、Jake Weiner製片，將會喺2018年1月底開拍，預計2019年上映，到時會喺中國、澳大利亞、新西蘭取景，大量嘅動作戲似乎幾有睇頭，大家記得留意喇！
（圖片取自網絡及微博）
