advertisement
任達華同名模琦琦結咗婚20年，近日出席活動就講起12歲囡囡任晴佳（Ella），小小年紀身高已經有170公分，雙腿比爸爸仲長！任達華仲話最近去泰國因為唔記得幫囡囡搽防曬同防蚊液，搞到囡囡對腳俾蚊咬咗47個包，令佢覺得好內疚，依家每晚都會幫她按摩同擦藥膏，聽見都覺得心疼！
琦琦不時都會喺微博post下囡囡嘅相，無論係長褲或是短褲，Ella嘅長腿都好引人注目，引來網民驚嘆，好似P咗圖一樣！媽媽嘅名模基因果然完美遺傳咗俾囡囡呢～
究竟點樣先可以擁有一雙名模一樣白滑長腿？小編依家就話你知啦～
- 定期磨沙
隔一至兩星期為腿部進行磨沙，能有效去除老化嘅角質層，特別係膝蓋位置，有助保持雙腿白滑，着短褲仔就冇有怕！
- 做運動瘦腿
除咗保持皮膚白滑，腿部嘅線條都好重要，最有效嘅方法梗係做運動，例如係做瑜伽，可以放鬆心情之餘，仲可以從內至外調節身心，美腿冇壓力。
- 食有助瘦腿食物
好多時雙腿望落肥胖其都係因為水朣，食多啲香蕉、西芹、蓮藕、冬菇呢啲有助身體排水嘅食物，有助排走身體多餘嘅鹽份，令腿型更好睇～
圖片來源：琦琦 @微博
