踏入10、11月，又到不是購物狂也會忍不住掃貨的時候，各大品牌會趁Thanksgiving Day感恩節推出不同優惠，加上淘寶雙十一和SOGO Thankful Week(崇光感謝周年慶)，平日甚少消費的人都會突然購物慾大增。其中又以SOGO Thankful Week最吸人潮，因為各大品牌的美容護膚及家品等都低至半價，甚或3、4折，而且贈品多多。想掃荀貨就要目標為本，mark低以下入場前的貼士，希望大家開心血拼，一擊即中！
SOGO Thankful Week 感謝周年慶 2019
日期︰2019年11月6日至24日
6個精明掃貨貼士︰
1. 網上優先預訂
不少人既想血拼，但又不願意一早去SOGO門口排長龍，咁就要識得online shopping了。SOGO Thanksful Week今年5月的感謝祭新增網上預訂服務，來到11月今次更強化online服務。大家可以在2019年10月25日11月5日期間上網（ https://estore.sogo.com.hk/ ）預訂化妝品、護膚品、飲品、食品、寢具、旅遊用品、廚具和家電得商品等。完成預訂後，不用當日親身到店取貨，可以選擇於11月11日至17日到店自取或者送貨。
2. 入場前排定掃貨次序
親身入場掃貨的滿足感真係好大，不過千祈唔好盲衝衝入場亂逛。記得預先mark低心水貨品，由最想買的順序排好，入場後按次序去頭號目標的專櫃；當知道貨品已售罄，就立即去下一個目標，以免錯失良機。
3. 不要搞錯地點
留意你想買的心水貨品的優惠，究竟在銅鑼灣SOGO還是尖沙咀SOGO？因為大部分品牌都會分別於兩間店設定不同的優惠。搞錯了買不到就真係「白排(長龍)一趟」！
4. 留意免費贈品狀況
不少品牌會在優惠套裝以外，另有極吸引的免費禮品，通常可能要買滿指定金額才送，由於數量有限，在你「夾夠」指定金額的同時，記得問清楚店員仲有冇免費禮品先至好付款呀！
5. 儲盡積分
在感謝祭期間購物，大家總會趁減價而愈買愈多，咁就好浪費儲積分的機會喇。記得預先下載SOGO Rewards手機應用程式，於SOGO消費每HK$1可獲1積分，累積滿10,000積分，就有得換領HK$50 SOGO購物禮券。小數怕長計，買到平嘢之餘，仲可以賺coupon！
6. 用得晒先好買
大部分貨品都有使用期限，尤其是化妝護膚品和食品，唔好貪平就狂入貨，最後用唔切、食唔切過期就更浪費。
