advertisement
圖片來源：互聯網
先為大家送上一幕感人的兄弟情！昨晚的《KBS演技大賞》，朴寶劍得獎感觸到喊，其同門師兄宋仲基又感動到喊，呢個畫面，係有啲hehe嘅！不過Well，做演員情感就當然豐富啲嘅，咪亂諗啦！不如睇返今年3大台的頒獎禮，有邊位女星靚到喊啦！
MBC 《W-兩個世界》韓孝珠
一個清新妝容，沒有太多的色澤修飾，僅以上、下幼眼線加強電力，配以設計簡潔的Deep V貼身長裙，夠晒高貴大方！
MBC 《婚姻契約》U-IE
粉底色好似白了一度，略見唔自然，不過橙紅Matt咀扳回一分，醒神又不老氣，而且U-IE個靚背甚有睇頭添！
MBC 《舉重妖精金福珠》李聖經
駁了一頭長髮，李聖經的女人味立即返番嚟，加上Model出身，無論是「妝」定「裝」都零舍高分。
SBS 《月之戀人 步步驚心-麗》IU
一臉童顏加身型的骰的IU，本來行紅地毯就有少少輸蝕，好彩識得著返條黑色掛頸來提升成熟味，如果襯返個紅咀就更好喇！
SBS 《Doctors》朴信惠
一向有肉感的朴信惠，無論妝容還是晚裝都大打安全牌，冇乜驚喜，不過就特別遮一遮手臂，加多分俾你啦！
KBS 《太陽的後裔》宋慧喬
不太適合濃妝的宋慧喬，明顯深明自己的好與壞，僅以眼線妝提升隆重感，而整個公主Look亦因瀏海而減齡，整體來說只有兩個字—女神。係個膊橫咗啲啫！
KBS 《太陽的後裔》金智媛
淡妝、素色鬆身晚裝，再加上一頭蓬鬆長髮，唔知點解，就係有種Hea的感覺。不過，好在金智媛本身個人夠靚補返數咋！
